44 കോടി ഡോസ് വാക്‌സിന് ഓർഡർ നൽകിയെന്ന് കേന്ദ്രം; ഓഗസ്‌റ്റോടെ വിതരണം ചെയ്യും

By News Desk, Malabar News

ന്യൂഡെൽഹി: ഓഗസ്‌റ്റ് മുതൽ രാജ്യത്ത് 44 കോടി ഡോസ് വാക്‌സിൻ ലഭ്യമാകുമെന്ന് കേന്ദ്ര സർക്കാർ അറിയിച്ചു. വാക്‌സിൻ ക്ഷാമം രൂക്ഷമായതോടെ പല സംസ്‌ഥാനങ്ങളിലും വാക്‌സിനേഷൻ സെന്ററുകൾ അടച്ചുപൂട്ടിയിരുന്നു. ഇവിടങ്ങളിലെല്ലാം ഓഗസ്‌റ്റ്‌ മുതൽ ഡിസംബർ വരെ വാക്‌സിൻ ഡോസുകൾ വിതരണം ചെയ്യുമെന്ന് കേന്ദ്ര ആരോഗ്യ മന്ത്രാലയം അറിയിച്ചു.

25 കോടി കോവിഷീൽഡിനും 19 കോടി കൊവാക്‌സിനുമാണ് ഓർഡർ നൽകിയിരിക്കുന്നത്. പ്രധാനമന്ത്രി നരേന്ദ്രമോദി പുതിയ വാക്‌സിൻ നയം പ്രഖ്യാപിച്ചതിന് പിന്നാലെയാണ് ആരോഗ്യ മന്ത്രാലയത്തിന്റെ അറിയിപ്പ്. ജൂൺ 21 മുതലാണ് പുതിയ നയം നടപ്പാക്കി തുടങ്ങുക. ഇന്നലെയാണ് കേന്ദ്രസർക്കാരിന്റെ വാക്‌സിൻ നയം മാറ്റി പ്രധാനമന്ത്രി നരേന്ദ്ര മോദി പ്രഖ്യാപനം നടത്തിയത്. ജൂണ്‍ 21 മുതല്‍ രാജ്യത്ത് 18 വയസിന് മുകളിൽ പ്രായമുള്ള എല്ലാവര്‍ക്കും വാക്‌സിന്‍ സൗജന്യമായി നൽകുമെന്നാണ് കേന്ദ്ര സർക്കാരിന്റെ പുതിയ പ്രഖ്യാപനം. കോവിഡ് വാക്‌സിന്‍ നയം മാറ്റിയതായും വാക്‌സിന്‍ സംഭരണം പൂര്‍ണമായി കേന്ദ്രം നടത്തുമെന്നും അദ്ദേഹം വ്യക്‌തമാക്കിയിരുന്നു.

ഇത് സംബന്ധിച്ച മാർഗനിർദ്ദേശങ്ങളും കേന്ദ്രം പുറത്തുവിട്ടു. ഇനി മുതൽ ജനസംഖ്യയും കോവിഡ് വ്യാപനത്തിന്റെ തോതും അടിസ്‌ഥാനമാക്കിയാവും സംസ്‌ഥാനങ്ങൾക്ക് വാക്‌സിൻ വിതരണം ചെയ്യുക. വാക്‌സിൻ പാഴാക്കുകയാണെങ്കിൽ അത് സംസ്‌ഥാനങ്ങൾക്ക് നൽകുന്ന ഡോസുകളുടെ വിഹിതത്തെ നെഗറ്റീവായി ബാധിക്കുമെന്നും കേന്ദ്രം മുന്നറിയിപ്പ് നൽകി.

പുതിയ വാക്‌സിൻ പദ്ധതിക്ക് ഏകദേശം 50,000 കോടി രൂപ ചെലവാകുമെന്നും ആവശ്യത്തിനുള്ള ഫണ്ട് കേന്ദ്ര സർക്കാരിന്റെ പക്കലുണ്ടെന്നും കേന്ദ്ര ധനകാര്യ മന്ത്രാലയം അറിയിച്ചു. കഴിഞ്ഞ ആഴ്‌ച ഹൈദരാബാദ് ആസ്‌ഥാനമായുള്ള ബയോളജിക്കൽ-ഇയുടെ കോവിഡ് വാക്‌സിന്റെ 30 കോടി ഡോസുകൾ കേന്ദ്ര സർക്കാർ ഓർഡർ ചെയ്‌തിരുന്നു. ഇത് കൂടാതെയാണ് 44 കോടി ഡോസുകൾക്ക് സർക്കാർ ഓർഡർ നൽകിയിരിക്കുന്നത്.

Also Read: കൊടകര കുഴൽപ്പണക്കേസ്; പണത്തിന്റെ ഉറവിടം വെളിപ്പെടുത്തി ധർമരാജൻ

Mechart

LEAVE A REPLY

Please enter your comment!
Please enter your name here

പ്രതികരണം രേഖപ്പെടുത്തുക

അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.

YOU MAY LIKE