കോഴിക്കോട്: മെഡിക്കൽ കോളേജ് ആശുപത്രിയിൽ വെള്ളം കിട്ടാനില്ലെന്ന് പരാതി. ഇന്നലെ രാത്രി മുതലാണ് ആശുപത്രിയിൽ ജലവിതരണം തടസപ്പെട്ടത്‌. ഐസിയുവിലടക്കം വെള്ളം ലഭിക്കുന്നില്ലെന്ന് ചൂണ്ടിക്കാണിച്ച് നിരവധി രോഗികളും കൂട്ടിരിപ്പുകാരുമാണ് പരാതിയുമായി രംഗത്തെത്തിയിരിക്കുന്നത്.
അതേസമയം, ഒരു മണിക്കൂറിനുള്ളിൽ ജലവിതരണം സാധാരണ നിലയിലാക്കുമെന്ന് അധികൃതർ ഉറപ്പ് നൽകിയിട്ടുണ്ട്. ആശുപത്രിയിലെ ഓക്‌സിജൻ പ്ളാന്റിന്റെ പണി നടക്കുന്നതിനിടെ ജലവിതരണ പൈപ്പ് പൊട്ടിയിരുന്നതായും അധികൃതർ അറിയിച്ചു. ജലവിതരണം പുനഃസ്‌ഥാപിക്കാനുള്ള പ്രവൃത്തികൾ ആരംഭിച്ചിട്ടുണ്ട്.
Read Also: കാസർഗോഡ് ഇന്നും നാളെയും ഊർജിത വാക്‌സിനേഷൻ
