വിവാഹം ഉള്പ്പെടെയുള്ള പൊതു പരിപാടികള്ക്ക് അനുമതി നല്കി അജ്മാൻ. കോവിഡ് പെരുമാറ്റച്ചട്ടം പൂര്ണമായി പാലിച്ചുകൊണ്ടു ഇത്തരം ചടങ്ങുകള് സംഘടിപ്പിക്കാനാണ് അനുമതി. മാസ്ക് ധാരണം, സാമൂഹിക അകലം എന്നിവ പാലിച്ചിരിക്കണം. വലിയ ഹാളുകളാണെങ്കില് വിവാഹത്തിന് 200 പേര്ക്ക് വരെ പങ്കെടുക്കാം. ഒരു ടേബിളില് അഞ്ചില് കൂടുതല് പേര് ഇരിക്കരുതെന്നും നിര്ദ്ദേശമുണ്ട്.
അതേസമയം യു.എ.ഇയില് ഇന്ന് 1,008 പേര്ക്ക് കോവിഡ് സ്ഥിരീകരിച്ചു. ഇതോടെ, ആകെ സ്ഥിരീകരിച്ച കേസുകളുടെ എണ്ണം 136,149 ആയി. ഇന്ന് ആറു പേര് കൂടി കോവിഡ് ബാധിച്ച് മരണപ്പെട്ടു. ഇതോടെ ആകെ മരണം 503 ആയി.