മസ്‌ക്കറ്റ്: കോവിഡ് സുരക്ഷാ മുൻകരുതലുകൾക്ക് അന്താരാഷ്‌ട്ര അംഗീകാരം നേടി മസ്‌ക്കറ്റ് വിമാനത്താവളം. അന്താരാഷ്‌ട്ര ഏജൻസിയായ സ്‌കൈ ട്രാക്‌സിന്റെ ഫോർ സ്‌റ്റാർ റേറ്റിങ്ങാണ് വിമാനത്താവളത്തിന് ലഭിച്ചത്. ആഗോളതലത്തിൽ കോവിഡ് സുരക്ഷാ മുൻകരുതലുകൾ ഏർപ്പെടുത്തിയ വിമാനത്താവളങ്ങളുടെ പ്രവർത്തനം അവലോകനം ചെയ്‌തതിന്റെ അടിസ്‌ഥാനത്തിലാണ്‌ ഈ റേറ്റിങ് ഏർപ്പെടുത്തിയത്. പശ്‌ചിമേഷ്യയിൽ നിന്ന് ഈ അംഗീകാരം ലഭിച്ച ഏക വിമാനത്താവളമാണ് മസ്‌ക്കറ്റിലേത്.
ആരോഗ്യ, സുരക്ഷ ശുചിത്വ നടപടികളുടെ കാര്യക്ഷമതയും സ്‌ഥിരതയുമാണ് പ്രധാനമായും വിലയിരുത്തിയത്. അണുവിമുക്‌തമാക്കൽ, ശുചീകരണം അടക്കമുള്ള എല്ലാ മേഖലകളിലെയും പ്രവർത്തനം കണക്കിലെടുത്താണ് റേറ്റിങ് തയ്യാറാക്കിയത്. നേരത്തെ എയർപോർട്ട് കൗൺസിൽ ഇന്റർനാഷണലിന്റെ എയർപോർട്ട് ഹെൽത്ത് അക്രഡിറ്റേഷൻ അംഗീകാരത്തിനും വിമാനത്താവളം അർഹമായിരുന്നു. കോവിഡ് സുരക്ഷാ മുൻകരുതലുകൾ വിലയിരുത്തിയാണ് ഈ അർഹതയും നേടിയത്.
Read Also: ചര്‍ച്ച ഫലം കണ്ടില്ല; ചൊവ്വാഴ്‌ച കെഎസ്ആര്‍ടിസി പണിമുടക്ക്
