കൊല്ലം: ജില്ലയിൽ രണ്ട് വിദ്യാർഥികൾ വൈദ്യുതാഘാതമേറ്റ് മരിച്ചു. കരിക്കോട് ടികെഎം എൻജിനീയറിങ് കോളേജിലെ വിദ്യാർഥികളായ കാഞ്ഞങ്ങാട് സ്വദേശി അർജുൻ, കണ്ണൂർ സ്വദേശി റിസ്വാൻ എന്നിവരാണ് മരിച്ചത്. വാക്കനാട് കൽച്ചിറ പള്ളിക്ക് സമീപം പൊട്ടിവീണ വൈദ്യുതി ലൈനിൽ നിന്നാണ് ഷോക്കേറ്റത്.
വാക്കനാട് കൽച്ചിറ പള്ളിക്ക് സമീപം അരുവി സന്ദർശിനാണ് ഇരുവരും എത്തിയത്. അരുവിയിൽ നല്ല ഒഴുക്ക് ഉണ്ടായിരുന്നതിനെ തുടർന്ന് മടങ്ങിപ്പോകാൻ നേരം പടവിലേക്ക് ഇറങ്ങിയപ്പോഴാണ് പൊട്ടിവീണു കിടന്ന വൈദ്യുത ലൈനിൽ നിന്ന് ഒരാൾക്ക് ഷോക്കേറ്റത്. ഇയാളെ രക്ഷിക്കാനായി ഇറങ്ങവേ രണ്ടാമനും ഷോക്കേൽക്കുകയായിരുന്നു. തുടർന്ന് നാട്ടുകാരെത്തി ഇരുവരെയും ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.
Read also: സദാചാര ഗുണ്ടായിസം തടയാൻ നിയമം വേണം; സർക്കാരിന് ശുപാർശ
