എറണാകുളം: നടി ആക്രമിക്കപ്പെട്ട കേസിൽ പ്രോസിക്യൂഷനെതിരെ പരാതിയുമായി ദിലീപ്. കേസുമായി ബന്ധപ്പെട്ട് സംവിധായകൻ ബാലചന്ദ്ര കുമാർ നടത്തിയ വെളിപ്പെടുത്തലിന് പിന്നിൽ പ്രോസിക്യൂഷൻ ആണെന്നാണ് ദിലീപ് ആരോപണം ഉന്നയിക്കുന്നത്. ഡിജിപി, ക്രൈംബ്രാഞ്ച് എഡിജിപി എന്നിവർക്കാണ് ദിലീപ് പരാതി നൽകിയത്.
ബാലചന്ദ്ര കുമാറിന്റെ പരാതിക്ക് പിന്നിൽ അന്വേഷണ ഉദ്യോഗസ്ഥന് പങ്കുണ്ടെന്നും, 202ആം സാക്ഷിയായ അന്വേഷണ ഉദ്യോഗസ്ഥനെ വിസ്തരിക്കുന്നതിന്റെ തലേ ദിവസം ആണ് പരാതി രൂപപ്പെട്ടതെന്നും, വിസ്താരം നടന്നിരുന്നെങ്കിൽ അന്വേഷണ ഉദ്യോഗസ്ഥന്റെ കണ്ടെത്തൽ തകരുമായിരുന്നെന്നും ദിലീപ് ആരോപിച്ചു.
കൂടാതെ കേസിൽ തുടരന്വേഷണം നടത്തുന്നതിൽ എതിർപ്പില്ലെന്നും, പക്ഷേ ഗൂഢാലോചന നടത്തിയ ബൈജു പൗലോസിനെ അന്വേഷണം ഏൽപ്പിക്കരുതെന്നും ദിലീപ് കൂട്ടിച്ചേർത്തു. ഒപ്പം തന്നെ ബൈജു പൗലോസിനെതിരെ നടപടി സ്വീകരിക്കണമെന്നും ദിലീപ് പരാതിയിൽ ആവശ്യപ്പെട്ടിട്ടുണ്ട്.
Read also: ഷാൻ വധക്കേസ്; ചേർത്തലയിലെ ആർഎസ്എസ് പ്രവർത്തകൻ അറസ്റ്റിൽ