ദുല്ഖര് സല്മാനെ നായകനാക്കി ശ്രീനാഥ് രാജേന്ദ്രന് സംവിധാനം ചെയ്യുന്ന ചിത്രം ‘കുറുപ്പ്‘ ഒടിടി പ്ളാറ്റ്ഫോമില് റിലീസ് ചെയ്യുന്നുവെന്ന് റിപ്പോര്ട്. ലെറ്റ്സ് ഒടിടി ഗ്ളോബലാണ് ഇക്കാര്യം റിപ്പോര്ട് ചെയ്തിരിക്കുന്നത്.
ഒരു മുഖ്യധാര ഒടിടി പ്ളാറ്റ്ഫോമുമായി ഡയറക്ട് റിലീസിന്റെ കാര്യങ്ങള് തീരുമാനിച്ചുവെന്നാണ് റിപ്പോര്ട്ടിൽ പറയുന്നത്. ഇതുമായി ബന്ധപ്പെട്ട ഔദ്യോഗിക പ്രഖ്യാപനം ഉടന് ഉണ്ടാവുമെന്നും റിപ്പോര്ട് വ്യക്തമാക്കുന്നു. എന്നാല് അണിയറ പ്രവര്ത്തകരില് നിന്നും ഇതുവരെ ഔദ്യോഗികമായി ഒരു വിവരവും പുറത്തുവന്നിട്ടില്ല.
Dulquer Salman’s most-awaited #Kurup deal finalised with a leading OTT platform for a direct premiere. Expect the official announcement soon. pic.twitter.com/0znQQVH9vI
— LetsOTT GLOBAL (@LetsOTT) August 7, 2021
മലയാളം, തമിഴ്, തെലുങ്ക്, ഹിന്ദി, കന്നഡ ഭാഷകളിൽ എത്തുന്ന ഈ ബിഗ് ബജറ്റ് ചിത്രം നിർമിക്കുന്നതും ദുൽഖർ തന്നെയാണ്. ദുല്ഖറിന്റെ കരിയറിലെ ഏറ്റവും വലിയ ബിഗ് ബജറ്റ് ചിത്രമാണിത്. കുപ്രസിദ്ധ പിടികിട്ടാപ്പുള്ളി സുകുമാര കുറുപ്പിന്റെ ജീവിതത്തെ ആസ്പദമാക്കിയുള്ള ഈ ചിത്രം കേരളം, അഹമ്മദാബാദ്, മുംബൈ, ദുബായ്, മാംഗ്ളൂര്, മൈസൂര് എന്നിവിടങ്ങളിലായി ആറു മാസമെടുത്താണ് ചിത്രീകരിച്ചത്.
ജിതിന് കെ ജോസ് കഥ എഴുതിയ ചിത്രത്തിന്റെ തിരക്കഥയും സംഭാഷണവും ഒരുക്കിയിരിക്കുന്നത് ഡാനിയേല് സായൂജ് നായരും കെഎസ് അരവിന്ദും ചേര്ന്നാണ്. നിമിഷ് രവി ഛായാഗ്രഹണവും സുഷിന് ശ്യാം സംഗീത സംവിധാനവും നിര്വഹിക്കുന്നു.
‘കമ്മാരസംഭവ’ത്തിലൂടെ മികച്ച പ്രൊഡക്ഷന് ഡിസൈനുള്ള ദേശീയ അവാര്ഡ് കരസ്ഥമാക്കിയ ബംഗ്ളാനാണ് ചിത്രത്തിന്റെ പ്രൊഡക്ഷന് ഡിസൈനര്. മറ്റൊരു ദേശീയ അവാര്ഡ് ജേതാവായ വിവേക് ഹര്ഷനാണ് എഡിറ്റിംഗ് നിര്വഹിക്കുന്നത്. ക്രീയേറ്റീവ് ഡയറക്ടറായി വിനി വിശ്വലാലും ഉണ്ട്.
Most Read: 90 പൈസക്ക് വാങ്ങിയ സ്പൂൺ ലേലത്തിൽ വിറ്റത് രണ്ട് ലക്ഷം രൂപക്ക്