വയനാട് : കോവിഡ് വ്യാപനം രൂക്ഷമായ സാഹചര്യത്തിൽ ജില്ലയിലേക്ക് പ്രവേശിക്കാൻ ഇ-പാസ് നിർബന്ധമാക്കിയതോടെ അതിർത്തി ചെക്ക്പോസ്റ്റുകൾ നിലവിൽ വിജനമായി. ഇ-പാസ് ഇല്ലാത്ത ആർക്കും നിലവിൽ ജില്ലയിലേക്ക് പ്രവേശനം അനുവദിക്കുന്നില്ല.
ജില്ലാ അധികൃതരാണ് ഇ-പാസ് അനുവദിക്കേണ്ടത്. പ്രതിദിനം നിരവധി ആളുകൾ ഇ-പാസിനായി അപേക്ഷ നൽകുന്നുണ്ടെങ്കിലും ആർക്കും പാസ് അനുവദിക്കുന്നില്ല. ഈ സാഹചര്യത്തിലാണ് അതിർത്തി ചെക്ക്പോസ്റ്റുകൾ ആളൊഴിഞ്ഞത്.
നിലവിൽ കേരളത്തിലെയും, കർണാടകയിലെയും ചരക്ക് വാഹനങ്ങൾ മാത്രമാണ് അതിർത്തി കടന്നെത്തുന്നത്. കോവിഡ് രൂക്ഷമായ സാഹചര്യത്തിൽ ഏർപ്പെടുത്തിയ കർശന നിയന്ത്രണങ്ങളുടെ ഭാഗമായാണ് ഇ-പാസ് നിർബന്ധമാക്കിയത്. ആദ്യ സമയങ്ങളിൽ അധികൃതർ പാസ് അനുവദിച്ചതിനെ തുടർന്ന് നിരവധി ആളുകൾ പ്രതിദിനം അതിർത്തി കടന്നിരുന്നു.
Read also : ഹരിയാനയിൽ ലോക്ക്ഡൗൺ വീണ്ടും നീട്ടി; കൂടുതൽ ഇളവുകൾ