നോയിഡ: ഉത്തർപ്രദേശിലെ നോയിഡയിൽ തീപിടുത്തം. 150ഓളം കുടിലുകൾ കത്തിനശിച്ചു. രണ്ടു കുട്ടികളുടെ മൃതദേഹം കണ്ടെത്തി. ഞായറാഴ്ച ഉച്ചക്ക് ഒരു മണിയോടെയാണ് ബെഹലോപുർ ഗ്രാമത്തിനടുത്തുള്ള ജെജെ ക്ളസ്റ്ററിൽ തീപിടിത്തമുണ്ടായത്.
ഫയർ യൂണിറ്റുകളുടെ ശ്രമഫലമായി തീ നിയന്ത്രിക്കാൻ സാധിച്ചു എങ്കിലും കാറ്റുവീശുന്നതു കാരണം പുക അടങ്ങിയില്ല. 150ഓളം കുടിലുകൾ കത്തി നശിച്ചുവെന്നും രണ്ടു കുഞ്ഞുങ്ങളുടെ മൃതദേഹം കണ്ടെടുത്തുവെന്നും ഡെപ്യൂട്ടി പൊലീസ് കമീഷണർ ഹരീഷ് ചന്ദർ വ്യക്തമാക്കി. തീപിടിത്തത്തിന്റെ കാരണം വ്യക്തമായിട്ടില്ലെന്നും പോലീസ് അന്വേഷണം ആരംഭിച്ചതായും അദ്ദേഹം കൂട്ടിച്ചേർത്തു.
Read also: റെംഡെസിവിർ കയറ്റുമതി നിരോധിച്ച് ഇന്ത്യ