പാറ്റ്‌ന: ബീഹാർ മുൻ വിദ്യാഭ്യാസ മന്ത്രിയും ജനതാദൾ എംഎൽഎയുമായ മേവാലാൽ ചൗധരി കോവിഡ് ബാധയെ തുടർന്ന് അന്തരിച്ചു. ആശുപത്രിയിൽ ചികിൽസയിൽ കഴിയവെ ആയിരുന്നു അന്ത്യം. കഴിഞ്ഞ ആഴ്‌ച ആയിരുന്നു ഇദ്ദേഹത്തിന് കോവിഡ് ബാധ സ്‌ഥിരീകരിച്ചത്.
ബീഹാറിലെ താരാപൂർ നിയോജകമണ്ഡലത്തിലെ സിറ്റിംഗ് എംഎൽഎ ആയിരുന്നു മേവാലാൽ ചൗധരി. വിദ്യാഭ്യാസ മന്ത്രി ആയിരുന്ന അദ്ദേഹത്തെ അഴിമതി ആരോപണത്തെ തുടർന്ന് പദവിയിൽ നിന്ന് നീക്കം ചെയ്യുക ആയിരുന്നു.
അതേസമയം കോവിഡ് രൂക്ഷമായ ബീഹാറിൽ സർക്കാർ ഞായറാഴ്‌ച രാത്രി മുതൽ കർഫ്യൂ പ്രഖ്യാപിച്ചിരിക്കുകയാണ്. ഔദ്യോഗിക കണക്കുകൾ പ്രകാരം ബീഹാറിൽ 39,498 സജീവ കോവിഡ് കേസുകളാണുള്ളത്. ഞായറാഴ്‌ച മാത്രം 1722 കോവിഡ് മരണങ്ങളാണ് സംസ്‌ഥാനത്ത് റിപ്പോർട് ചെയ്‌തത്‌.
മെയ് 15 വരെ സ്‌കൂളുകൾ, കോളേജുകൾ, മറ്റ് വിദ്യാഭ്യാസ സ്‌ഥാപനങ്ങൾ എന്നിവ അടച്ചിടാനും സർക്കാർ തീരുമാനിച്ചിട്ടുണ്ട്. ഈ കാലയളവിൽ സർക്കാർ സ്‌ഥാപനങ്ങളിലൊന്നും പരീക്ഷകൾ ഉണ്ടായിരിക്കുന്നതല്ല.
