ന്യൂഡെൽഹി: പെട്രോൾ-ഡീസൽ വിലവർധനയിലും, അവശ്യ വസ്തുക്കളുടെ വിലക്കയറ്റത്തിനും എതിരെ കർഷകർ അഖിലേന്ത്യാ തലത്തിൽ നടത്തുന്ന പ്രതിഷേധ പരിപാടി ആരംഭിച്ചു. രാവിലെ 10 മണിക്കാണ് പ്രതിഷേധം ആരംഭിച്ചത്. 12 മണി വരെയാണ് പരിപാടി തീരുമാനിച്ചിരിക്കുന്നത്. വിവിധ കേന്ദ്രങ്ങളിൽ നിന്നും ഡെൽഹി അതിർത്തിയിൽ എത്തിയ കർഷകർ ഇവിടെ പ്രതിഷേധം നടത്തുന്നുണ്ട്.
വരും ദിവസങ്ങളിൽ കർഷക സമരം കൂടുതൽ ശക്തമാക്കുമെന്ന് കർഷക നേതാക്കൾ വ്യക്തമാക്കി. വർഷകാല സമ്മേളനത്തിന് മുന്നോടിയായി പാർലമെന്റിന് അകത്തും പുറത്തും കർഷക സമരത്തിന് പിന്തുണ ആവശ്യപ്പെട്ട് പ്രതിപക്ഷ പാർട്ടികൾക്ക് കർഷകർ കത്ത് നൽകും. ജൂലൈ 19 മുതല് ആഗസ്റ്റ് 13 വരെ പാർലമെന്റിന് മുൻപിൽ പ്രതിഷേധിക്കാനും കർഷകർ തീരുമാനിച്ചു.
Read Also: ഹാഫിസ് സെയ്ദിന് എതിരെ വീണ്ടും ഇന്റർപോളിന്റെ റെഡ് കോർണർ നോട്ടീസ്