ഡെൽഹി: രാജ്യത്ത് ഇന്ധനവിലയിൽ ഇന്നും വര്ധന. പെട്രോള് ലിറ്ററിന് 87 പൈസയും ഡീസല് ലിറ്ററിന് 85 പൈസയുമാണ് ഇന്ന് കൂട്ടിയത്. കഴിഞ്ഞ 11 ദിവസത്തിനുള്ളില് മാത്രം പെട്രോളിന് എട്ട് രൂപ 72 പൈസയും ഡീസലിന് 8 രൂപ 43 പൈസയുമാണ് വര്ധിച്ചത്.
ഇന്ധനവില കൂട്ടിയതോടെ കൊച്ചിയില് പെട്രോള്വില ലിറ്ററിന് 112.89 രൂപയും ഡീസലിന് 99.86 രൂപയുമായി. തിരുവനന്തപുരത്ത് പെട്രോള്വില 115 കടന്നിരിക്കുകയാണ്.
യുപി, പഞ്ചാബ്, ഉത്തരാഖണ്ഡ്, ഗോവ, മണിപ്പൂര് എന്നീ സംസ്ഥാനങ്ങളിലെ നിയമസഭാ തിരഞ്ഞെടുപ്പിന് മുന്നോടിയായി നവംബര് 4 മുതല് വില വര്ധിപ്പിക്കുന്നത് നിര്ത്തിവെച്ചിരുന്നു. എന്നാൽ തിരഞ്ഞെടുപ്പ് അവസാനിച്ചതിന് പിന്നാലെ ദിവസംതോറും വില ഉയര്ത്തുകയാണ് കമ്പനികള്.
Most Read: ഒമൈക്രോണിനെ വെല്ലും വ്യാപനശേഷി; പുതിയ വകഭേദം കണ്ടെത്തി