തിരുവനന്തപുരം : സംസ്‌ഥാനത്ത് ശക്‌തമായ മഴ തുടരാൻ സാധ്യതയുള്ളതിനാൽ ഇന്ന് 9 ജില്ലകളിൽ യെല്ലോ അലർട് പ്രഖ്യാപിച്ചു. കാസർഗോഡ്, കണ്ണൂർ, കോഴിക്കോട്, വയനാട്, മലപ്പുറം, പാലക്കാട്, തൃശൂർ, എറണാകുളം, ഇടുക്കി എന്നീ ജില്ലകളിലാണ് ഇന്ന് യെല്ലോ അലർട്. കൂടാതെ നാളെയും ശക്‌തമായ മഴ തുടരാൻ സാധ്യതയുള്ളതിനാൽ ഈ ജില്ലകളിൽ മഴ മുന്നറിയിപ്പ് നൽകിയിട്ടുണ്ട്.
അതേസമയം ആന്ധ്രാ തീരത്തിന് സമീപത്തായി ബംഗാൾ ഉൾക്കടയിൽ രൂപം കൊണ്ട ന്യൂനമർദ്ദത്തിന് പിന്നാലെ തെക്കൻ ഗുജറാത്ത് തീരത്തിന് സമീപത്തായി അറബിക്കടലിലും ന്യൂനമർദ്ദം രൂപപ്പെട്ടിട്ടുണ്ട്. എന്നാൽ ഇത് കേരളത്തെ വലിയ രീതിയിൽ ബാധിക്കില്ലെന്നാണ് വിലയിരുത്തുന്നത്.
കൂടാതെ ശക്‌തമായ മഴയുടെ പശ്‌ചാത്തലത്തിൽ കടൽ പ്രക്ഷുബ്‌ധമായി തുടരുന്നതിനാൽ ഈ മാസം 16ആം തീയതി വരെ മൽസ്യ ബന്ധനത്തിനായി കടലിൽ പോകുന്നതിന് വിലക്ക് ഏർപ്പെടുത്തിയിട്ടുണ്ട്. കൂടാതെ കേരള തീരത്ത് മൂന്നര മീറ്റർ വരെ ഉയരത്തിലുള്ള തിരമാലകൾ വീശുന്നതിനും, കടലേറ്റത്തിനും സാധ്യതയുള്ളതായി അധികൃതർ വ്യക്‌തമാക്കി.
Read also : കരിപ്പൂർ സ്വർണക്കടത്ത്; മുഹമ്മദ് ഷാഫിയെ കസ്‌റ്റംസ്‌ ഇന്ന് ചോദ്യം ചെയ്യും
