റിയാദ്: അമേരിക്കന് പൗരനായ ഇതര മതസ്ഥനായ പത്രപ്രവര്ത്തകന് മക്കയില് പ്രവേശിക്കാന് സൗകര്യം നല്കിയ സൗദി പൗരനെ അറസ്റ്റ് ചെയ്തതായി മക്ക പ്രവിശ്യ പോലീസ്. ഇയാള്ക്കെതിരെ നിയമനടപടി സ്വീകരിക്കാന് പബ്ളിക് പ്രോസിക്യൂഷന് കൈമാറി. മുസ്ലിങ്ങള്ക്കുള്ള ട്രാക്കിലൂടെ മാദ്ധ്യമ പ്രവര്ത്തകനെ സൗദി പൗരന് മക്കയിലേക്ക് കടത്തുകയായിരുന്നു. മുസ്ലിങ്ങളല്ലാത്തവര്ക്ക് മക്കയില് പ്രവേശിക്കാന് വിലക്കുണ്ട്.
മുസ്ലിം ട്രാക്കിലൂടെ അമുസ്ലിം മാദ്ധ്യമ പ്രവര്ത്തകനെ കൊണ്ടുപോവുകയും മക്കയിലേക്കുളള പ്രവേശനം സുഗമമാക്കുകയും ചെയ്തത് ശിക്ഷാര്ഹമായ കുറ്റമാണെന്നും റീജനല് പോലീസ് മാദ്ധ്യമ വക്താവ് പറഞ്ഞു. സൗദിയിലേക്ക് വരുന്ന എല്ലാവരും രാജ്യത്തെ നിയമങ്ങള്, പ്രത്യേകിച്ചും ഇരു ഹറമുകളുമായും പുണ്യസ്ഥലങ്ങളുമായും ബന്ധപ്പെട്ട നിയമങ്ങള് മാനിക്കുകയും പാലിക്കുകയും വേണം. ഇക്കാര്യത്തിലുള്ള ഏതു നിയമലംഘനവും വെച്ചുപൊറുപ്പിക്കാനാവാത്ത കുറ്റകൃത്യമായി കണക്കാക്കപ്പെടും.
ബന്ധപ്പെട്ട നിയമങ്ങള്ക്കനുസൃതമായി കുറ്റക്കാര്ക്കെതിരെ ശിക്ഷാനടപടികള് സ്വീകരിക്കും. രാജ്യത്തെ നിയമങ്ങള് ലംഘിച്ച് മക്കയില് പ്രവേശിച്ച് കുറ്റകൃത്യം നടത്തിയ അമേരിക്കന് മാദ്ധ്യമ പ്രവര്ത്തകനെതിരായ കേസ് നിയമാനുസൃത നടപടികള് സ്വീകരിക്കാന് പബ്ളിക് പ്രോസിക്യൂഷന് കൈമാറിയിട്ടുണ്ടെന്നും മക്ക പോലീസ് അറിയിച്ചു.
Most Read: ജോലി: ആളുകളെ കെട്ടിപ്പിടിക്കൽ, ഫീസ് മണിക്കൂറിന് 7000 രൂപ!