കൊൽക്കത്ത: എൻഫോഴ്‌സ്‌മെന്റ് ഡയറക്‌ടറേറ്റിനെ വെല്ലുവിളിച്ച് തൃണമൂൽ കോൺഗ്രസ് എംപിയും മമത ബാനര്‍ജിയുടെ അനന്തരവനുമായ അഭിഷേക് ബാനർജി. തനിക്കെതിരെ ചുമത്തിയിരിക്കുന്ന കേസുകളിൽ താൻ നിയമവിരുദ്ധമായി എന്തെങ്കിലും ചെയ്‌തെന്ന് തെളിഞ്ഞാൽ പരസ്യമായി തൂക്കിലേറുമെന്ന് അഭിഷേക് പറഞ്ഞു.
കൽക്കരി കുംഭകോണ കേസിൽ ചോദ്യം ചെയ്യാനായി എൻഫോഴ്‌സ്‌മെന്റ് ഡയറക്‌ടറേറ്റ് വിളിപ്പിച്ചതിനെ തുടർന്ന് ഡെൽഹിയിൽ എത്തിയപ്പോഴാണ് അഭിഷേകിന്റെ പ്രതികരണം.
‘ഏത് തരത്തിലുള്ള അന്വേഷണവും നേരിടാൻ തയ്യാറാണ്. തൃണമൂൽ കോൺഗ്രസിനെ രാഷ്‌ട്രീയമായി നേരിടുന്നതിൽ പരാജയപ്പെട്ട ബിജെപി, രാഷ്‌ട്രീയ താൽപര്യങ്ങൾക്കായി അന്വേഷണ ഏജൻസികളെ ഉപയോഗിക്കുന്നു’- ബാനർജി കുറ്റപ്പെടുത്തി. കേസിൽ ബാനർജിയുടെ ഭാര്യ രുജിരയ്‌ക്കും ഇഡി നോട്ടീസ് അയച്ചിരുന്നു. എന്നാൽ ന്യൂഡെൽഹിയിൽ ഹാജരാകാൻ അസൗകര്യമുണ്ടെന്നും കൊൽക്കത്തയിലെ വീട്ടിലെത്തി തന്നെ ചോദ്യം ചെയ്യാമെന്നും രുജിര മറുപടി നൽകി.
Read also: ഹോണുകളിൽ തബലയും ഓടക്കുഴലും; നിയമ നിർമാണത്തിന് കേന്ദ്രം
