ചെന്നൈ: സംഗീത സംവിധായകന്‍ എ.ആര്‍ റഹ്മാന് നികുതി വെട്ടിപ്പ് കേസില്‍ മദ്രാസ് ഹൈക്കോടതിയുടെ നോട്ടീസ്. ആദായ നികുതി വകുപ്പ് നല്‍കിയ അപ്പീലിലാണ് കോടതി നോട്ടീസ് അയച്ചത്. 3.5 കോടിയുടെ പ്രതിഫല തുക എ.ആര്‍ റഹ്മാന് ഫൗണ്ടേഷന്റെ അക്കൗണ്ടിലേക്ക് വകമാറ്റിയെന്നാണ് ആദായ നികുതി വകുപ്പിന്റെ കണ്ടെത്തല്‍.
യു.കെ ആസ്ഥാനമായ ലിബ്ര മൊബൈല്‍സിന്റെ റിങ് ടോണ്‍ കംപോസ് ചെയ്ത് നല്‍കിയതിന്റെ പ്രതിഫലമാണ് റഹ്മാന് ഫൗണ്ടേഷന്റെ അക്കൗണ്ടിലേക്കാണ് നല്‍കിയതെന്നാണ് ആദായ നികുതി വകുപ്പിന്റെ കണ്ടെത്തല്‍. ഇത് നികുതി വെട്ടിക്കാനായിരുന്നു എന്നാണ് ആദായ നികുതി വകുപ്പ് പറയുന്നത്. 2010 ലാണ് എ.ആര്‍ റഹ്മാന് യു.കെ ആസ്ഥാനമായി പ്രവര്‍ത്തിക്കുന്ന കമ്പനിക്ക് വേണ്ടി റിങ് ടോണ്‍ കമ്പോസ് ചെയ്തത്. 2015 ലാണ് കേസ് റിപ്പോര്‍ട്ട് ചെയ്യുന്നത്.
