ഡെൽഹി: ഇന്ത്യയിലെ ഏറ്റവും വൃത്തിയുള്ള നഗരമായി തിരഞ്ഞെടുക്കപ്പെട്ട് ഇൻഡോർ. ഇത് അഞ്ചാം തവണയാണ് ഇൻഡോർ രാജ്യത്തെ ഏറ്റവും വൃത്തിയുള്ള നഗരമായി തിരഞ്ഞെടുക്കപ്പെടുന്നത്. കേന്ദ്രസർക്കാരിന്റെ വാർഷിക ശുചിത്വ സർവേയിലാണ് ഇൻഡോർ ഒന്നാമതെത്തിയത്.
സ്വഛ് സര്‍വേക്ഷന്‍ അവാർഡ് 2021ന്റെ രണ്ടാം സ്‌ഥാനം ലഭിച്ചത് സൂറത്തിനും മൂന്നാം സ്‌ഥാനം വിജയവാഡയ്‌ക്കുമാണ്. സർവേ ഫലം ഇന്നാണ് പ്രഖ്യാപിച്ചത്. വൃത്തിയുള്ള ഗംഗാ നഗരം എന്ന കാറ്റഗറിയിൽ വാരണസിയെ അവാർഡിനായി തിരഞ്ഞെടുത്തു. സർവേ പ്രകാരം രാജ്യത്തെ ഏറ്റവും വൃത്തിയുള്ള സംസ്‌ഥാനം ചത്തീസ്‌ഗഡ് ആണ്. രാഷ്‌ട്രപതി രാംനാഥ് കോവിന്ദ് പുരസ്‌കാരം സമ്മാനിച്ചു.
