കോഴിക്കോട്: ജാതി അധിക്ഷേപം നടത്തിയതിന് അസിസ്‌റ്റന്റ്‌ പബ്ളിക് പ്രോസിക്യൂട്ടർക്ക് എതിരെ ജാമ്യമില്ലാ വകുപ്പുകൾ ചുമത്തി കേസ്. പെരിന്തല്‍മണ്ണ ജുഡീഷ്യല്‍ ഫസ്‌റ്റ് ക്‌ളാസ് മജിസ്ട്രേറ്റ് കോടതി എപിപി നൗഷാദിന് എതിരെയാണ് കേസ് എടുത്തത്.
എസ്‍സി/എസ്‌ടി വകുപ്പുകൾ അടക്കം ചുമത്തിയാണ് നല്ലളം പോലീസ് എഫ്ഐആർ രജിസ്‌റ്റർ ചെയ്‌തത്‌. ഫറോക്ക് അസിസ്‌റ്റന്റ്‌ കമ്മീഷണർ എഎം സിദ്ധിഖിനാണ് അന്വേഷണ ചുമതല.
മുൻ ഡയറക്‌ടർ ജനറല്‍ പ്രോസിക്യൂഷന്‍ അഡ്‌മിനിസ്‌ട്രേഷനായി വിരമിച്ച കോഴിക്കോട് പെരുവയല്‍ സ്വദേശി ബാബുരാജാണ് പരാതി നല്‍കിയത്. പട്ടികജാതി ചെറുമ വിഭാഗത്തില്‍ പെടുന്ന ബാബുരാജിനെ ‘നീ ചെറുമന് അധികാരപ്പണി കിട്ടിയ കളിയല്ലേ കളിച്ചതെന്നു’ ചോദിച്ച് അധിക്ഷേപിച്ചെന്നും, അസഭ്യം പറഞ്ഞെന്നുമാണ് പരാതി.
Most Read: പത്ത് വയസുകാരിക്ക് നേരെ ലൈംഗികാതിക്രമം; ഓട്ടോഡ്രൈവർ അറസ്‌റ്റിൽ
