ന്യൂഡെൽഹി: വിവിധ സംസ്‌ഥാനങ്ങളിലെ നിയമസഭാ തിരഞ്ഞെടുപ്പിന്റെ പശ്‌ചാത്തലത്തിൽ പാർട്ടി ദേശീയ ജനറൽ സെക്രട്ടറിമാരുടെ യോഗം വിളിച്ച് ബിജെപി പ്രസിഡണ്ട് ജെപി നഡ്ഡ. കോവിഡ് രണ്ടാം തരംഗം രാജ്യത്ത് വ്യാപകമായതിന് ശേഷം പാർട്ടി ഇതാദ്യമായാണ് ഇത്തരത്തിലൊരു യോഗം വിളിക്കുന്നത്.
വിവിധ സംസ്‌ഥാനങ്ങളിൽ അടുത്ത വർഷം നടക്കുന്ന നിയമസഭാ തിരഞ്ഞെടുപ്പിനൊപ്പം കേന്ദ്ര സർക്കാറിന്റെ കോവിഡ് പ്രതിരോധ പ്രവർത്തനങ്ങളും വിലയിരുത്തും. ഈ മാസം അഞ്ച് ആറ് തീയതികളിലാണ് യോഗം നടക്കുന്നത്.
പഞ്ചാബ്, ഉത്തർ പ്രദേശ്, ഉത്തരാഖണ്ഡ്, ഗോവ, മണിപ്പൂർ എന്നീ സംസ്‌ഥാനങ്ങളിലാണ് അടുത്ത വർഷം ആദ്യം തിരഞ്ഞെടുപ്പ് നടക്കുന്നത്. 2022 അവസാനത്തോടെ ഹിമാചൽ പ്രദേശിലും ഗുജറാത്തിലും തിരഞ്ഞെടുപ്പുണ്ട്. ബിജെപി അധികാരത്തിലുള്ള സംസ്‌ഥാനങ്ങളിലെ കോവിഡ് പ്രതിരോധത്തിൽ വീഴ്‌ചയുണ്ടെന്ന വാർത്തകൾ പുറത്ത് വന്ന സാഹചര്യത്തിൽ ഇക്കാര്യവും യോഗത്തിൽ ചർച്ചയാകും.
Read also: തുടര്‍ച്ചയായ പെട്രോള്‍, ഡീസല്‍ വിലവര്‍ധനവ്; ആശങ്കയറിയിച്ച് ആർബിഐ
