ജില്ലയിൽ മാഹി മദ്യവുമായി ഒരാൾ അറസ്‌റ്റിൽ; പിടികൂടിയത് 190 കുപ്പി മദ്യം

By Team Member, Malabar News
mahe
Representational image

കണ്ണൂർ : ജില്ലയിലെ ചിറ്റാരിത്തോട് മേഖലയിൽ എക്‌സൈസ്‌ സംഘം നടത്തിയ മിന്നൽ പരിശോധനയിൽ മാഹി മദ്യവുമായി ഒരാളെ അറസ്‌റ്റ് ചെയ്‌തു. കൂത്തുപറമ്പ് എക്‌സൈസ്‌ സംഘത്തിന്റെ മിന്നൽ പരിശോധനയിലാണ് മദ്യം പിടികൂടിയത്. സംഭവത്തിൽ 17.100 ലിറ്റർ മദ്യവുമായി പൊയിലൂർ സ്വദേശി ഇ ബാലചന്ദ്രൻ(44) ആണ് അറസ്‌റ്റിലായത്‌.

കൂത്തുപറമ്പ് റേഞ്ച് ഇൻസ്‌പെക്‌ടർ കെ ഷാജിയുടെ നേതൃത്വത്തിൽ നടത്തിയ പരിശോധനയിലാണ് പ്രതിയെ പിടികൂടിയത്. ഇയാളുടെ പക്കൽ നിന്നും 90 എംഎൽ മദ്യം കൊള്ളുന്ന 190 കുപ്പികളാണ് കണ്ടെടുത്തത്. കുറഞ്ഞ വിലയുള്ള മാഹി മദ്യം ചെറുപറമ്പ്‌, പൊയിലൂർ പ്രദേശത്തു കൂടിയ വിലക്ക് വിൽപന നടത്തുകയാണ് ഇയാൾ. തിരഞ്ഞെടുപ്പിനോട് അനുബന്ധിച്ച് മദ്യം കടത്താൻ സാധ്യത ഉള്ളതിനാൽ ഈ മേഖലയിൽ പരിശോധന കർശനമാക്കിയിരുന്നു.

മദ്യം കടത്തിന് പിറകിൽ ഉള്ളവരെ കുറിച്ച് കൂത്തുപറമ്പ് എക്‌സൈസ്‌ അന്വേഷണം ശക്‌തമാക്കി. പ്രിവന്റീവ് ഓഫീസർ പി പ്രമോദൻ, സിവിൽ എക്‌സൈസ്‌ ഓഫീസർമാരായ സിപി ശ്രീധരൻ, പ്രജീഷ് കോട്ടായി, കെബി ജീമോൻ, വനിതാ സിവിൽ എക്‌സൈസ്‌ ഓഫീസർ വി ഷൈനി എന്നിവരും പരിശോധന നടത്തിയ എക്‌സൈസ്‌ സംഘത്തിലുണ്ടായിരുന്നു.

Read also : ധർമജനെ ബൂത്തിന് മുന്നിൽ തടഞ്ഞു; കയ്യേറ്റം ചെയ്യാൻ ശ്രമം

Mechart

LEAVE A REPLY

Please enter your comment!
Please enter your name here

പ്രതികരണം രേഖപ്പെടുത്തുക

അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.

YOU MAY LIKE