ബെംഗളൂരു: ബിനീഷ് കോടിയേരി സമർപ്പിച്ച ജാമ്യാപേക്ഷ പരിഗണിക്കാതെ കര്ണാടക ഹൈക്കോടതി. അപേക്ഷയുമായി അവധിക്കാല ബെഞ്ചിനെ സമീപിക്കാനാണ് കര്ണാടക ഹൈക്കോടതി സിംഗിള് ബെഞ്ചിന്റെ നിര്ദേശം. ലഹരിമരുന്ന് ഇടപാട് കേസുമായി ബന്ധപ്പെട്ട കള്ളപ്പണം വെളുപ്പിക്കല് കേസില് ജാമ്യം തേടിയാണ് ബിനീഷ് കോടതിയെ സമീപിച്ചത്.
ചൊവ്വാഴ്ച കേസ് പരിഗണിക്കവെയാണ് ബിനീഷ് ജാമ്യാപേക്ഷ നല്കിയത്. അച്ഛൻ കോടിയേരി ബാലകൃഷ്ണന്റെ രോഗാവസ്ഥ ഗുരുതരമാണെന്നും താൻ ഉൾപ്പടെ അടുത്ത കുടുംബാംഗങ്ങളുടെ സാമീപ്യം വേണ്ടതുണ്ടെന്നും അതിനാല് തനിക്ക് ജാമ്യം നൽകണം എന്നുമാണ് ബിനീഷ് കോടതിയെ അറിയിച്ചത്.