തിരുവനന്തപുരം: തദ്ദേശ തിരഞ്ഞെടുപ്പിലെ മികച്ച വിജയം നിയമസഭാ തിരഞ്ഞെടുപ്പിലും ആവര്‍ത്തിക്കാന്‍ ഇടതുപക്ഷം. പ്രകടന പത്രിക തയ്യാറാക്കുന്നതിന്റെ ഭാഗമായി മുഖ്യമന്ത്രി പിണറായി വിജയന്‍ പത്ത് ദിവസത്തോളം നീളുന്ന ‘കേരള പര്യടനം’ നടത്തും. ഡിസംബര്‍ 22 ന് കൊല്ലത്തുനിന്ന് പര്യടനത്തിന് തുടക്കമിടുമെന്നാണ് വിവരം. ഇന്ന് ചേരുന്ന സിപിഐഎം സംസ്‌ഥാന സെക്രട്ടറിയറ്റ് യോഗം അന്തിമരൂപം നല്‍കും.
ഓരോ ജില്ലയിലും ക്യാമ്പുചെയ്‌ത്‌ സാമൂഹികം, സാംസ്‌കാരികം, ആരോഗ്യം, വിദ്യാഭ്യാസം തുടങ്ങിയ മേഖലകളിലെ പ്രമുഖരുമായും എല്‍ഡിഎഫ് എംപിമാര്‍,എംഎല്‍എമാര്‍ തുടങ്ങിയവരുമായും കൂടിക്കാഴ്‌ച നടത്താനും പദ്ധതിയുണ്ട്. തദ്ദേശ തെരഞ്ഞെടുപ്പില്‍ മുഖ്യമന്ത്രി നേരിട്ട് രംഗത്തിറങ്ങാത്തതായിരുന്നു പ്രതിപക്ഷത്തിന്റെ പ്രധാന ആരോപണം.
Read also: സിപിഐഎം, സിപിഐ നേതൃയോഗങ്ങള്‍ ഇന്ന്; തദ്ദേശ തിരഞ്ഞെടുപ്പ് വിലയിരുത്തും
