കരുളായി: കേരള മുസ്‌ലിം ജമാഅത്ത് വാരിക്കൽ യൂണിറ്റ് കമ്മിറ്റി ഇരുപത്തി ഏഴാം രാവിനോടനുബന്ധിച്ച് കൊയലമുണ്ട സുന്നി മസ്‌ജിദിൽ ഖതമുൽ ഖുർആനും ദുആ മജ്‌ലിസും നടത്തി. ഉച്ചക്ക് 12 മണി മുതൽ വെകുന്നേരം 5.15 വരെ തുടർന്ന സംഗമത്തിൽ മൗലിദ് പാരായണം, സ്വലാത്ത് ഹൽഖ, മഹ്ളറത്തുൽ ബദ്‌രിയ്യ, ഉൽബോധനം, ഇഫ്‌താർ സംഗമം എന്നിവയും നടന്നു.
പരിപാടിയിൽ വാഹിദ് സഖാഫി മഞ്ചേരി സന്ദേശ പ്രഭാഷണം നിർവഹിച്ചു. വിവിധ പരിപാടികൾക്ക് സികെ റഷീദ് മുസ്ലിയാർ, സിറാജുദ്ധീൻ സിദ്ദീഖി, കെടി അബ്‌ദുള്ള മുസ്ലിയാർ, മുനീർ സഅദി എന്നിവർ നേതൃത്വം നൽകി. സമാപന ദുആ സംഗമത്തിന് ഉമർ മദനി മൈലമ്പാറ കാർമികത്വം വഹിച്ചു.
പി മുഹമ്മദ് മുത്തു, പി അബ്‌ദുൽ അസീസ്, പി ഫൈറൂസ്, കെപി യൂനുസ്, പി ഫൈസൽ, സി നസീഫലി, മുഹമ്മദ് റഹാൻ, കെപി ശിഹാബുദ്ധീൻ എന്നിവർ നേതൃത്വം നൽകി.
Most Read: മാസ്‌ക് നിർബന്ധമാക്കി കേരളം; നാളെ മുതൽ കർശന പോലീസ് പരിശോധന
