കവരത്തി: ലക്ഷദ്വീപ് സന്ദർശനത്തിന് അനുമതി തേടിയ ഇടത് എംപിമാർക്ക് വീണ്ടും അനുമതി നിഷേധിച്ച് ദ്വീപ് ഭരണകൂടം. പ്രവേശനം നൽകാൻ ഇടത് എംപിമാർ സമർപ്പിച്ച അപേക്ഷ ലക്ഷദ്വീപ് ഭരണകൂടം തള്ളി.
നിലവിലെ രാഷ്ട്രീയ സാഹചര്യത്തിൽ പ്രവേശനം നൽകാൻ കഴിയില്ലെന്ന് ലക്ഷദ്വീപ് ഭരണകൂടം അറിയിച്ചു. എംപിമാർ സമർപ്പിച്ച അപേക്ഷയിൽ തെറ്റുകൾ ഉണ്ടെന്നും ഭരണകൂടം പറയുന്നു. ഏഴ് ഇടത് എംപിമാർ നൽകിയ അപേക്ഷയാണ് തള്ളിയത്.
മുൻപും ഇടത് എംപിമാർക്ക് ലക്ഷദ്വീപ് ഭരണകൂടം പ്രവേശനാനുമതി നിഷേധിച്ചിരുന്നു. ഇതിനെതിരെ പാർലമെന്റ് അംഗങ്ങളായ എളമരം കരീം, വി ശിവദാസൻ, എഎം ആരിഫ് എന്നിവർ ഹൈക്കോടതിയെ സമീപിച്ചിരുന്നു. പാർലമെന്റ് അംഗങ്ങൾ നൽകിയ അപേക്ഷ പരിഗണിക്കാൻ ലക്ഷദ്വീപ് ഭരണകൂടം തയ്യാറാകാത്തത് കടുത്ത ജനാധിപത്യ നിഷേധമാണെന്ന് ചൂണ്ടിക്കാട്ടിയാണ് എംപിമാർ ഹൈക്കോടതിയെ സമീപിച്ചത്.
Most Read: സ്വർണക്കടത്ത് കേസ്; സ്വപ്നയുടെ ജാമ്യാപേക്ഷ പരിഗണിക്കുന്നത് മാറ്റി