കനത്ത മഴ; എരുമേലിയിൽ മൂന്നിടത്ത് ഉരുൾപൊട്ടൽ

By Team Member, Malabar News
Landslide In Three Places In Erumeli In Kottayam Districts
Ajwa Travels

കോട്ടയം: കനത്ത മഴയെ തുടർന്ന് കോട്ടയത്ത് എരുമേലി പഞ്ചായത്തിലെ മൂന്നിടങ്ങളിൽ ഉരുൾപൊട്ടൽ. ഏഞ്ചൽ വാലി ജംഗ്ഷൻ, പള്ളിപ്പടി, വളയത്ത് പടി എന്നിവിടങ്ങളിലാണ് ഉരുൾപൊട്ടൽ ഉണ്ടായത്. നിലവിൽ ആളപായം ഉണ്ടായതായി റിപ്പോർട് ചെയ്‌തിട്ടില്ല.

പ്രദേശത്ത് കനത്ത നാശനഷ്‌ടം ഉണ്ടായതായാണ് വ്യക്‌തമാകുന്നത്‍. സ്‌ഥാപനങ്ങളിലും വീടുകളിലും വെള്ളം കയറുകയും, വീടുകളിലെ പത്രങ്ങൾ ഉൾപ്പടെ ഒഴുകി പോയതായും നാട്ടുകാർ വ്യക്‌തമാക്കുന്നുണ്ട്. കൂടാതെ നിരവധി ആളുകളുടെ വാഹനങ്ങൾക്ക് കേടുപാടുകൾ സംഭവിച്ചതായും, ഒരു ഓട്ടോറിക്ഷ ഒലിച്ചു പോയതായും വാർഡ് മെമ്പർ മാത്യു ജോസഫ് അറിയിച്ചു.

കോട്ടയത്ത് നിലവിൽ കനത്ത മഴ തുടരുകയാണ്. ജില്ലയുടെ കിഴക്കൻ മേഖലകളിലാണ് നിലവിൽ മഴ ശക്‌തമാകുന്നത്. ഇന്ന് വൈകുന്നേരത്തോടെ ജില്ലയിലെ മലയോര മേഖലകളിൽ കനത്ത മഴ ഉണ്ടാകുമെന്ന് കാലാവസ്‌ഥാ നിരീക്ഷണ കേന്ദ്രം നേരത്തെ തന്നെ മുന്നറിയിപ്പ് നൽകിയിരുന്നു. കൂടാതെ അതിശക്‌തമായ മഴ പെയ്യാനുള്ള സാധ്യതയിൽ ജില്ലയിൽ നാളെ ഓറഞ്ച് അലർടും പ്രഖ്യാപിച്ചു.

Read also: ഭർത്താവിന്​ നീതി വേണം; ഉദ്ദവിന്​ കത്തയച്ച് ക്രാന്തി വാങ്കഡെ

LEAVE A REPLY

Please enter your comment!
Please enter your name here

പ്രതികരണം രേഖപ്പെടുത്തുക

അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.

YOU MAY LIKE