അഹമ്മദ് ഖബീർ കഥയെഴുതി സംവിധാനം ചെയ്യുന്ന ‘മധുരം‘ സിനിമയുടെ ആദ്യ ടീസർ പുറത്തിറങ്ങി. ‘ജൂൺ’ എന്ന ഹിറ്റ് ചിത്രത്തിന് ശേഷം അഹമ്മദ് ഖബീർ സംവിധാനം ചെയ്യുന്ന ഈ ചിത്രത്തിൽ ജോജു ജോർജ്, അർജുൻ അശോകൻ നിഖിലാ വിമൽ, ശ്രുതി രാമചന്ദ്രൻ, ഇന്ദ്രൻസ് എന്നിവരാണ് പ്രധാന കഥാപാത്രങ്ങളായി എത്തുന്നത്.
‘ജോസഫ്’, ‘പൊറിഞ്ചു മറിയം ജോസ്’, ‘ചോല’ എന്നീ ചിത്രങ്ങൾക്ക് ശേഷം അപ്പു പാത്തു പപ്പു ക്രിയേഷൻസിന്റെ ബാനറിൽ ജോജു ജോർജ്, സിജോ വടക്കൻ എന്നിവർ ചേർന്നാണ് പ്രണയ കഥ പറയുന്ന ‘മധുരം’ നിർമിക്കുന്നത്. ആഷിക് ഐമർ, ഫാഹിം സഫർ എന്നിവർ ചേർന്ന് തിരക്കഥ എഴുതിയിരിക്കുന്ന ചിത്രത്തിൽ ക്യാമറ കൈകാര്യം ചെയ്യുന്നത് ജിതിൻ സ്‌റ്റാനിസ്‌ലാസ് ആണ്. വിനായക് ശശികുമാറിന്റെ വരികൾക്ക് ഹിഷാം അബ്‌ദുൾ വഹാബ് സംഗീതം പകരുന്ന ഈ ചിത്രത്തിൽ നൂറോളം താരങ്ങളും അണിനിരക്കുന്നു.
ചിത്രത്തിലെ മറ്റ് അണിയറ പ്രവർത്തകർ: എഡിറ്റിങ്- മഹേഷ്‌ ബുവനെന്തു , ആർട്ട് ഡയറക്‌ടർ- ദിലീപ് നാഥ്‌, കോസ്‌റ്റ്യൂം ഡിസൈനെർ- സമീറ സനീഷ്, മേക്കപ്പ് റോണെക്‌സ് സേവ്യർ, സൗണ്ട് ഡിസൈനെർ-ധനുഷ് നായനാർ, സൗണ്ട് മിക്‌സ്- വിഷ്‌ണു സുജാതൻ, പ്രൊഡക്ഷൻ കൺഡ്രോളർ- സനൂപ് ചങ്ങനാശ്ശേരി, ചീഫ് അസോസിയേറ്റ് ഡയറക്‌ടർ- അതുൽ എസ് ദേവ്.
Read Also: ഇംഗ്‌ളണ്ട് 134ന് പുറത്ത്; ഇന്ത്യക്ക് 195 റണ്‍സിന്റെ ലീഡ്
