തിരുവനന്തപുരം : അടുത്ത ഒരു വർഷത്തിനകം, സംസ്ഥാനത്ത് ആരംഭിക്കാൻ പദ്ധതിയിട്ട പാൽപ്പൊടി നിർമാണ യൂണിറ്റ് പ്രവർത്തന സജ്ജമാകുമെന്ന് വ്യക്തമാക്കി ക്ഷീര വികസന വകുപ്പ് മന്ത്രി ജെ ചിഞ്ചുറാണി. ഇതിന്റെ ഭാഗമായി ആരംഭിച്ച ടോൾ ഫ്രീ കസ്റ്റമർ കെയർ സർവീസിന്റെ ഉൽഘാടനം മന്ത്രി കോഴിക്കോട് നിർവഹിച്ചു.
കർഷകർക്കും ഉപഭോക്താക്കൾക്കും മലബാർ യൂണിയനെ അടുത്തറിയുന്നതിനും, വിപണിയുമായി ബന്ധപ്പെട്ട് ഉപഭോക്താക്കൾക്ക് മെച്ചപ്പെട്ട സേവനം നൽകാനുമാണ് ടോൾ ഫ്രീ കസ്റ്റമർ കെയർ സർവീസ് ആരംഭിച്ചതെന്ന് മിൽമ മലബാർ യൂണിയൻ ചെയർമാൻ കെഎസ് മണി വ്യക്തമാക്കി.
ലോക്ക്ഡൗൺ സമയത്ത് കേരളത്തിൽ അധികമായി വന്ന പാൽ, പാൽപ്പൊടിയാക്കുന്നതിനായി ഇതര സംസ്ഥാനങ്ങളെ മിൽമ ആശ്രയിച്ചിരുന്നു. ഇതിനെ തുടർന്നാണ് സംസ്ഥാനത്ത് പാൽപ്പൊടി നിർമാണ യൂണിറ്റ് ആരംഭിക്കുമെന്ന് മുഖ്യമന്ത്രി പ്രഖ്യാപിച്ചത്. തുടർന്ന് നിലവിൽ ഏറ്റവും കൂടുതൽ പാൽ മിച്ചം വരുന്ന മലബാർ മേഖലയിൽ പ്ളാന്റ് സ്ഥാപിക്കാൻ തീരുമാനിക്കുകയും, മലപ്പുറം ജില്ലയിലെ മൂർക്കനാട് ഇതിനായി സ്ഥലം കണ്ടെത്തി 48 കോടി രൂപ അനുവദിക്കുകയും ചെയ്തിട്ടുണ്ട്.
Read also : 24 മണിക്കൂറിൽ രാജ്യത്ത് 38,079 കോവിഡ് ബാധിതർ; രോഗമുക്തി നിരക്കിൽ ഉയർച്ച