തിരുവനന്തപുരം : മന്ത്രി കടകംപള്ളി സുരേന്ദ്രന് കോവിഡ് സ്‌ഥിരീകരിച്ചു. ഇന്ന് രാവിലെയോടെ ശാരീരിക അസ്വസ്‌ഥതകളും, രോഗലക്ഷണങ്ങളും പ്രകടമായതിനെ തുടർന്ന് കോവിഡ് പരിശോധന നടത്താൻ തീരുമാനിക്കുകയായിരുന്നു. തുടർന്ന് നടത്തിയ പരിശോധനയിലാണ് രോഗം സ്‌ഥിരീകരിച്ചത്‌. കോവിഡ് ബാധിതനായ വിവരം അദ്ദേഹം തന്നെയാണ് സമൂഹമാദ്ധ്യമങ്ങളിലൂടെ അറിയിച്ചത്.
നിലവിൽ ശാരീരിക അസ്വസ്‌ഥതകൾ ഉള്ളതിനാൽ മന്ത്രിയെ തിരുവനന്തപുരം മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു. കൂടാതെ കഴിഞ്ഞ ദിവസങ്ങളിൽ താനുമായി സമ്പർക്കത്തിൽ ഉണ്ടായിരുന്ന ആളുകൾ മുൻകരുതൽ സ്വീകരിക്കണമെന്നും, കോവിഡ് പരിശോധന നടത്തണമെന്നും അദ്ദേഹം അറിയിച്ചു.
Read also : കോവിഡ് കാലത്ത് മരണനിരക്കില്‍ ഗണ്യമായ കുറവ്; ആരോഗ്യ മന്ത്രി
