കോഴിക്കോട്: മുക്കം ഐഎച്ച്ആർഡി കോളേജിൽ വിദ്യാർഥികൾ തമ്മിൽ സംഘർഷം. സംഘർഷത്തിൽ നിരവധി വിദ്യാർഥികൾക്ക് പരിക്കേറ്റിട്ടുണ്ട്. ഇന്ന് ഉച്ചയ്ക്ക് ഒരുമണിയോടെയാണ് സംഭവം. റാഗിങ്ങിന്റെ പേരിലുള്ള തർക്കമാണ് സംഘർഷത്തിൽ കലാശിച്ചത്. സ്ഥലത്തെത്തിയ മുക്കം പോലീസ് പ്രശ്നം പരിഹരിക്കാനുള്ള ശ്രമത്തിലാണ്.
കഴിഞ്ഞ വ്യാഴാഴ്ച രണ്ടാംവർഷ ബിടെക് വിദ്യാർഥികളെ സീനിയർ വിദ്യാർഥികൾ റാഗിങ് നടത്തിയെന്ന് പരാതി ഉണ്ടായിരുന്നു. ഇതുസംബന്ധിച്ച് ഉടലെടുത്ത പ്രശ്നങ്ങളാണ് ഇന്ന് സംഘർഷത്തിൽ കലാശിച്ചത്. വടി അടക്കമുള്ള ആയുധങ്ങളുമായി വിദ്യാർഥികൾ തമ്മിൽ ഏറ്റുമുട്ടുകയായിരുന്നു.
Most Read: മുല്ലപ്പെരിയാർ കേസ്; ഹരജികൾ ഡിസംബർ 10ന് സുപ്രീം കോടതി പരിഗണിക്കും