കൊല്ലം: അയല്വാസിയുടെ വീട്ടുമുറ്റത്തിരുന്ന വാഹനങ്ങള് കത്തിച്ച ദുര്മന്ത്രവാദി അറസ്റ്റിലായി. കൊല്ലം ശൂരനാടിനടുത്ത് പോരുവഴിയിലാണ് സ്വന്തം സമയദോഷം മാറ്റാന് അയല്വാസിയുടെ വാഹനങ്ങള് കത്തിച്ചത്.
പോരുവഴി വടക്കേമുറി സ്വദേശി രാജേന്ദ്രനാണ് പിടിയിലായത്. നാട്ടില് ദുര്മന്ത്രവാദവുമായി നടക്കുന്ന ഇയാള് തന്റെ സാമ്പത്തിക പ്രശ്നങ്ങള്ക്ക് കാരണം അയല്ക്കാരനായ അനില് കുമാറാണെന്ന് കരുതിയാണ് ഇക്കഴിഞ്ഞ വെളളിയാഴ്ച പുലര്ച്ചെ അനില്കുമാറിന്റെ വീട്ടുമുറ്റത്തിരുന്ന രണ്ട് ഇരുചക്രവാഹനങ്ങള് പെട്രോളൊഴിച്ച് കത്തിച്ചത്.
സമീപത്തെ വീടുകളിലെ സിസിടിവി ദൃശ്യങ്ങളാണ് പ്രതിയെ തിരിച്ചറിയാന് പോലീസിനെ സഹായിച്ചത്. ശൂരനാട് ഇൻസ്പെക്ടർ എ ഫിറോസും സംഘവുമാണ് രാജേന്ദ്രനെ അറസ്റ്റ് ചെയ്തത്.
Read also: തിരുവനന്തപുരം കോര്പ്പറേഷനില് ജോസ് കെ മാണി വിഭാഗത്തിന് സീറ്റ്