തിരുവനന്തപുരം: തിരുവനന്തപുരം വിമാനത്താവളത്തിൽ നിന്നും ഗുജറാത്തിലേക്ക് പുതിയ സർവീസ് ആരംഭിക്കാൻ ഒരുങ്ങി ഇൻഡിഗോ. ഗുജറാത്തിലെ അഹമ്മദാബാദിലേക്ക് 16ആം തീയതി മുതലാണ് ഇൻഡിഗോ പുതിയ സർവീസ് ആരംഭിക്കുന്നത്. എല്ലാ ദിവസവും രാവിലെ പോയി വൈകിട്ട് തിരിച്ചെത്തുന്ന രീതിയിലാണ് പുതിയ സർവീസ്.
തിരുവനന്തപുരം രാജ്യാന്തര വിമാനത്താവളത്തിൽ നിന്ന് രാവിലെ 5 മണിക്ക് യാത്ര തുടങ്ങുന്ന സർവീസ് മുംബൈ വഴി 9.10ന് അഹമ്മദാബാദിൽ എത്തും. തുടർന്ന് അവിടെ നിന്നും വൈകിട്ട് 5.25ന് തിരിച്ച് രാത്രി 9.35ന് തിരുവനന്തപുരത്ത് എത്തും. നേരത്തേ ബെംഗളൂരു, മുംബൈ എന്നിവിടങ്ങളിൽ നിന്ന് വിമാനം മാറിക്കയറിയാണ് യാത്രക്കാർ അഹമ്മദാബാദിലേക്കും തിരിച്ചും യാത്ര ചെയ്‌തിരുന്നത്‌.
നേരിട്ട് പുതിയ സർവീസ് ആരംഭിക്കുന്നതോടെ യാത്രാ സമയം 6 മണിക്കൂറിൽ നിന്നും 4 മണിക്കൂർ ആയി കുറയും. കൂടാതെ കേരളം, തമിഴ്‌നാട് എന്നിവിടങ്ങളിൽ നിന്ന് ഗുജറാത്തിലേക്കും ഗുജറാത്തിൽ നിന്ന് കേരളത്തിലേക്കും ഉള്ള വിനോദസഞ്ചാരികൾക്കും ഈ സർവീസ് പ്രയോജനപ്പെടും.
Read also: സംരക്ഷണത്തിന് പോലീസ് വേണ്ട ഇഡി മതി; ഹരജി പിൻവലിച്ച് സ്വപ്‌ന സുരേഷ്
