തിരുവനന്തപുരം: തിരുവോണ ദിനമായതിനെ തുടർന്ന് സംസ്ഥാനത്ത് നാളെ ബാറുകൾ തുറക്കില്ലെന്ന് വ്യക്തമാക്കി അധികൃതർ. ബെവ്കോ ഔട്ട്ലെറ്റുകൾ തുറക്കില്ലെന്ന് നേരത്തെ തന്നെ വ്യക്തമാക്കിയതിനാൽ നാളെ സംസ്ഥാനത്തെ മദ്യശാലകൾ പ്രവർത്തിക്കില്ല.
മദ്യശാലകളിലും ഓണത്തിരക്ക് വർധിച്ചതോടെ ഇവയുടെ പ്രവർത്തനസമയം അധികൃതർ കൂട്ടിയിരുന്നു. ഇതേ തുടർന്ന് രാവിലെ 9 മണി മുതൽ രാത്രി 8 മണി വരെയാണ് സംസ്ഥാനത്ത് മദ്യശാലകൾ പ്രവർത്തിച്ചിരുന്നത്. ഓണം അടുത്തതോടെ മദ്യശാലകളിൽ ഉണ്ടാകാനിടയുള്ള തിരക്ക് നിയന്ത്രിക്കുന്നതിന് വേണ്ടിയാണ് പ്രവർത്തന സമയം കൂട്ടിയതെന്നാണ് സർക്കാർ വ്യക്തമാക്കിയിരുന്നത്.
തിരുവോണ ദിനം നാളെ കഴിയുന്നതോടെ ഓണത്തിരക്ക് അവസാനിക്കുമെന്ന പശ്ചാത്തലത്തിൽ, മദ്യശാലകളുടെ പ്രവർത്തന സമയം കൂട്ടിയ തീരുമാനം സർക്കാർ പിൻവലിക്കുമോ എന്ന കാര്യത്തിലും ഇതുവരെ വ്യക്തത ഉണ്ടായിട്ടില്ല.
Read also: ലോക്സഭാ തിരഞ്ഞെടുപ്പാവണം പ്രതിപക്ഷത്തിന്റെ ലക്ഷ്യം; സോണിയ ഗാന്ധി