പാലക്കാട് വീട്ടിൽക്കയറി യുവാവിനെ വെട്ടിപ്പരിക്കേൽപിച്ചു; ഏഴ് ലക്ഷം രൂപയും കവർന്നു

By Trainee Reporter, Malabar News
palakkad news-crime
Representational Image

പാലക്കാട്: ജില്ലയിലെ തച്ചനാട്ടുകരയിൽ വീട്ടിൽ അതിക്രമിച്ച് കയറിയ സംഘം യുവാവിനെ വെട്ടിപ്പരിക്കേൽപിച്ചു. ആക്രമണത്തിൽ പരിക്കേറ്റ നാട്ടുകൽ ആശുപത്രിപ്പടിയിലെ വളയമ്പുഴ റഷീദിനെ (43) പെരിന്തൽമണ്ണയിലെ സ്വകാര്യ ആശുപത്രിയിൽ പ്രവേശിപ്പിച്ചു. വീടിന്റെ അലമാരയിൽ സൂക്ഷിച്ചിരുന്ന 7,32,000 രൂപയും ചെക്ക്‌ലിഫുകളും അക്രമിസംഘം കവർന്നതായും പരാതി ഉണ്ട്. ഇന്നലെ വൈകിട്ടാണ് സംഭവം.

സംഭവവുമായി ബന്ധപ്പെട്ട് മുതുക്കുംപുറം അബു താഹിറിനെ (21) നാട്ടുകൽ പോലീസ് അറസ്‌റ്റ് ചെയ്‌തു. കോഴിഫാം നടത്തിപ്പുമായി ബന്ധപ്പെട്ട തർക്കങ്ങളാണ് ആക്രമണത്തിൽ കലാശിച്ചതെന്നാണ് വിവരം. വീട്ടിലെത്തിയ ഒരു സംഘം റഷീദിനെ വെട്ടിപ്പരിക്കേൽപ്പിക്കുകയും തടയാൻ ചെന്ന ഭാര്യ, മാതാവ് എന്നിവരെ ചവിട്ടി വീഴ്‌ത്തുകയും ചെയ്യുകയായിരുന്നു.

അലമാരയിൽ സൂക്ഷിച്ച പണവും ചെക്ക് ലീഫുകളും കൈക്കലാക്കിയ സംഘം റഷീദിനെ ബലമായി കാറിൽ കൊണ്ടുപോകാൻ ശ്രമിച്ചെങ്കിലും റഷീദ് രക്ഷപെടുകയായിരുന്നു. ആക്രമി സംഘത്തിൽപ്പെട്ട അബു താഹിർ ബഹളത്തിനിടെ നാട്ടുകാരുടെ കൈയിൽ പെടുകയായിരുന്നു. കേസിൽ ഉൾപ്പെട്ട സംഘത്തെക്കുറിച്ച് അന്വേഷണം നടന്നുവരികയാണെന്ന് നാട്ടുകൽ പോലീസ് അറിയിച്ചു.

Most Read: ഒമൈക്രോൺ ജാഗ്രത; എത്രയും വേഗം വാക്‌സിനേഷൻ പൂർത്തിയാക്കണമെന്ന് ആരോഗ്യമന്ത്രി

LEAVE A REPLY

Please enter your comment!
Please enter your name here

പ്രതികരണം രേഖപ്പെടുത്തുക

അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.

YOU MAY LIKE