വിവാഹ സമ്മാനമായി പെട്രോളും ഗ്യാസ് സിലിണ്ടറും നൽകി സുഹൃത്തുക്കൾ. തമിഴ്‌നാട്ടിലെ ദമ്പതികൾക്കാണ് വിവാഹ ദിവസം വ്യത്യസ്‌തമായ സമ്മാനങ്ങൾ ലഭിച്ചത്. പെട്രോളിന്റെ വില തുടച്ചയായി ഉയരുന്ന സാഹചര്യത്തിലാണ് വിലയേറിയ സമ്മാനവുമായി സുഹൃത്തുക്കൾ വിവാഹ വേദിയിൽ എത്തിയത്. ഇതോടെ വീഡിയോ സോഷ്യൽ മീഡിയയിൽ വൈറലായി.
Couple gets Petrol, Gas Cylinder and Onions as a Wedding Gift in Tamilnadu. pic.twitter.com/IWxqDRXy1s
— बेरोजगार मनराज सिंह (@manraj_mokha) February 18, 2021
ഒരു കന്നാസ് പെട്രോൾ, ഒരു ഗ്യാസ് സിലിണ്ടർ എന്നിവക്ക് പുറമെ സവാളയും സുഹൃത്തുക്കൾ സമ്മാനമായി കരുതി. സമ്മാനം നൽകിയ ശേഷം സുഹൃത്തുക്കൾ ഫോട്ടോ എടുക്കാൻ നിൽക്കുന്നതും വധു ചിരിയടക്കാൻ പാടുപെടുന്നതുമാണ് വീഡിയോയിലുള്ളത്. രാജ്യത്തെ പെട്രോൾ, പാചകവാതക വില അനിയന്ത്രിതമായി വർധിക്കുന്ന സാഹചര്യത്തിലാണ് ഇവരുടെ വ്യത്യസ്‌തമായ പ്രതിഷേധം. തമാശയിൽ പൊതിഞ്ഞതാണെങ്കിലും സമൂഹമാദ്ധ്യമങ്ങൾ സംഭവം ഏറ്റെടുത്തിരിക്കുകയാണ്.
Read Also: ഇംഗ്‌ളണ്ടിന് എതിരായ ടി-20 ടീമിൽ നിന്ന് സഞ്‌ജു പുറത്ത്
