തിരുവനന്തപുരം: പ്ളസ് വണ് പ്രവേശനത്തിന് അണ് എയ്ഡഡില് സീറ്റ് കൂട്ടുമെന്ന് വിദ്യാഭ്യാസ മന്ത്രി വി ശിവന്കുട്ടി. സ്കൂള് തുറക്കുമ്പോള് ഒരു സീറ്റും ഒഴിഞ്ഞു കിടക്കില്ല. ഒഴിവ് വരുന്ന സംവരണ സീറ്റ് മെറിറ്റ് സീറ്റിലേക്ക് മാറ്റുമെന്നും ശിവന്കുട്ടി പറഞ്ഞു. കടുത്ത സീറ്റ് ക്ഷാമത്തിനിടെ സംസ്ഥാനത്ത് പ്ളസ് വൺ പ്രവേശന നടപടികൾ തുടങ്ങിയിരിക്കുകയാണ്.
മലപ്പുറം, കോഴിക്കോട് ജില്ലകളിലാണ് സീറ്റ് ക്ഷാമം രൂക്ഷം. മലപ്പുറം ജില്ലയിൽ മാത്രം അപേക്ഷകരിൽ നാല്പ്പതിനായിരത്തോളം പേർക്ക് ഇപ്പോഴും സീറ്റില്ല. ഒക്ടോബർ ഒന്ന് വരെയാണ് പ്രവേശന നടപടികൾ. മെറിറ്റ് കിട്ടാത്ത വിദ്യാർഥികൾക്ക് വൻ തുക മുടക്കി മാനേജ്മെന്റ് ക്വാട്ടയിലേക്കോ അൺ എയ്ഡഡ് മേഖലയിലേക്കോ മാറേണ്ട അവസ്ഥയാണ്.
Read Also: വിഴിഞ്ഞം തുറമുഖ പദ്ധതി; കൂടുതൽ സമയം ആവശ്യപ്പെട്ട് അദാനി ഗ്രൂപ്പ്