ഡെൽഹി: ന്യുമോണിയ ബാധിച്ചുള്ള മരണങ്ങൾ തടയാൻ കുട്ടികൾക്കായി പുതിയ പ്രതിരോധ വാക്‌സിൻ നൽകുന്നു. ന്യൂമോണിയ ബാധയെ ചെറുക്കൻ കുട്ടികൾക്ക് ന്യൂമോകോക്കൽ കോൺജുഗേറ്റ് വാക്‌സിൻ വിതരണം ചെയ്യാനാണ് തീരുമാനമായത്. രണ്ട് വയസിൽ താഴെയുള്ള കുട്ടികൾക്കാണ് ഈ പ്രതിരോധ വാക്‌സിൻ നൽകുന്നത്.
ഒന്നര മാസത്തിലും മൂന്നര മാസത്തിലും ഒരോ ഡോസ് വീതവും ഒരു വയസിന് ശേഷം ബൂസ്‌റ്റർ ഡോസുമാണ് നൽകുക. പലപ്പോഴും ന്യൂമോണിയ ഗുരുതരമാകാനുള്ള കാരണം ന്യൂമോ കോക്കൽ ബാക്‌ടീരിയയാണ്. പുതിയ വാക്‌സിന് ന്യൂമോണിയയും അതുമായി ബന്ധമുള്ള മറ്റ് രോഗങ്ങളും തടയാനാകും.
രക്‌തത്തിലും ചെവിയിലുമുണ്ടാകുന്ന അണുബാധയ്‌ക്കും മെനിഞ്ചൈറ്റിസിനും ന്യൂമോ കോക്കൽ ബാക്‌ടീരിയ കാരണമാകുന്നുണ്ടെന്നാണ് പഠനങ്ങൾ തെളിയിക്കുന്നത്. കേന്ദ്ര സർക്കാർ വാക്‌സിൻ വിതരണം ചെയ്യുന്ന വാക്‌സിൻ എല്ലാ സംസ്‌ഥാനങ്ങളിലും ലഭ്യമാക്കും.
Also Read: പാൻ ആധാറുമായി ബന്ധിപ്പിക്കാനുള്ള തീയതി വീണ്ടും നീട്ടി
