ന്യൂഡെൽഹി: നാഷണൽ ഹെറാൾഡ് കേസിൽ കോൺഗ്രസ് മുൻ അധ്യക്ഷൻ രാകുൽ ഗാന്ധി ഇഡി ഓഫിസിൽ എത്തി. പ്രിയങ്കക്കൊപ്പം വസതിയിൽ നിന്ന് പുറപ്പെട്ട രാഹുൽ ആദ്യം എഐസിസി ആസ്‌ഥാനത്ത് എത്തി. തുടർന്ന് കോൺഗ്രസ് നേതാക്കൾക്കൊപ്പം പ്രകടനമായാണ് ഇഡി ഓഫിസിലേക്ക് എത്തിയത്.
നേതാക്കൾക്കൊപ്പം പോകുന്നത് ഡെൽഹി പോലീസ് വിലക്കിയിരുന്നു. പോലീസ് തടഞ്ഞാലും നേതാക്കൾ രാഹുലിനെ അനുഗമിക്കുമെന്ന് സച്ചിൻ പൈലറ്റും കെസി വേണുഗോപാലും അടക്കമുള്ളവർ നേരത്തെ വ്യക്‌തമാക്കി. ഇഡി ഓഫിസിന് മുന്നിലെത്തിയ കൊടിക്കുന്നിൽ സുരേഷ് എംപിയെ പോലീസ് തടഞ്ഞു. അക്ബർ റോഡിലും പരിസരത്തും പോലീസ് നിരോധനാജ്‌ഞ പ്രഖ്യാപിച്ചു. അക്ബർ റോഡിലേക്കുള്ള എല്ലാ പ്രവേശന കവാടവും പോലീസ് അടച്ചിരിക്കുകയാണ്.
Most Read: പബ്‌ജിയിൽ തോറ്റതിന് കൂട്ടുകാരുടെ പരിഹാസം; 16കാരൻ ജീവനൊടുക്കി
