വെഞ്ഞാറമൂട്: ആലത്തൂര് എം.പി രമ്യ ഹരിദാസിന്റെ വാഹനം വെഞ്ഞാറമൂട്ടില് തടഞ്ഞുവെന്ന് പരാതി. വാഹനം തടയുകയും വാഹനത്തില് കരിങ്കൊടി കൊട്ടുകയും കൊല്ലുമെന്ന് ഭീഷണിപ്പെടുത്തുകയും ചെയ്തുവെന്നാണ് പരാതി. സംഭവത്തിന് പിന്നില് സിപിഎം പ്രവര്ത്തകരാണെന്നും എം.പി പറഞ്ഞു.
തിരുവനന്തപുരത്തു നിന്നും ചങ്ങനാശ്ശേരിക്ക് പോകുമ്പോള് രാവിലെ ഒമ്പതു മണിയോടെയായിരുന്നു സംഭവം. ‘കാറിന്റെ മുന്സീറ്റിലായിരുന്നു ഞാന്. സിപിഎം പ്രവര്ത്തകര് തടഞ്ഞതോടെ വാഹനം നിര്ത്തി. ഇതിനിടെ ഒന്നു രണ്ടുപേര് വാഹനത്തില് ഇടിക്കുകയും, വാഹനത്തില് കരിങ്കൊടി കെട്ടുകയുമായിരുന്നു. കോണ്ഗ്രസുകാര് ആരും ഇതുവഴി പോകേണ്ടെന്നു പറഞ്ഞായിരുന്നു ആക്രമണം. പിന്നാലെ അസഭ്യം പറയുകയും കൊല്ലുമെന്ന് ഭീഷണിപ്പെടുത്തുകയും ചെയ്തു’ രമ്യ ഹരിദാസ് പറഞ്ഞു.
വെഞ്ഞാറമൂട് പൊലീസ് സ്റ്റേഷന് സമീപം വെച്ചായിരുന്നു സംഭവം. വിവരം അറിഞ്ഞ് പൊലീസ് എത്തി പ്രവര്ത്തകരെ മാറ്റിയാണ് എം.പിയുടെ വാഹനം കടത്തിവിട്ടത്.