ന്യൂഡെൽഹി: നിയമസഭാ തിരഞ്ഞെടുപ്പ് നടന്ന കേരളം ഉൾപ്പടെയുള്ള സംസ്ഥാനങ്ങളിലും കേന്ദ്രഭരണ പ്രദേശമായ പുതുച്ചേരിയിലും ഫലം പുറത്തുവന്ന പശ്ചാത്തലത്തിൽ പ്രതികരണവുമായി കോൺഗ്രസ് എംപി രാഹുൽ ഗാന്ധി. “ജനവിധി ഞങ്ങൾ താഴ്മയോടെ അംഗീകരിക്കുന്നു. കോൺഗ്രസ് പ്രവർത്തകരോടും ഞങ്ങളെ പിന്തുണച്ച ദശലക്ഷക്കണക്കിന് ആളുകളോടും ആത്മാർഥമായ നന്ദി. ഞങ്ങളുടെ മൂല്യങ്ങൾക്കും ആദർശങ്ങൾക്കും വേണ്ടി ഞങ്ങൾ തുടർന്നും പോരാടും,”- രാഹുൽ ഗാന്ധി ട്വീറ്റ് ചെയ്തു.
We humbly accept the people’s mandate.
Sincere gratitude to our workers & the millions of people who supported us on the ground.We will continue to fight for our values and ideals.
Jai Hind.
— Rahul Gandhi (@RahulGandhi) May 2, 2021
തമിഴ്നാട്ടിൽ വിജയം നേടിയ ഡിഎംകെ മുന്നണിക്കും എംകെ സ്റ്റാലിനും പശ്ചിമ ബംഗാളിൽ ബിജെപിയെ തറപറ്റിച്ച മമതാ ബാനർജിക്കും രാഹുൽ ഗാന്ധി അഭിനന്ദനം അറിയിച്ചു.
Congratulations to Shri MK Stalin for the victory.
People of Tamil Nadu have voted for change and we will, under your leadership, prove to be a confident step in that direction.
Best wishes.
— Rahul Gandhi (@RahulGandhi) May 2, 2021
I’m happy to congratulate Mamata ji and the people of West Bengal for soundly defeating the BJP.
— Rahul Gandhi (@RahulGandhi) May 2, 2021
കേരളത്തിൽ ഇടതു തരംഗത്തിൽ യുഡിഎഫിന് കനത്ത വീഴ്ചയാണ് സംഭവിച്ചത്. നേമം തിരിച്ചുപിടിച്ച് ബിജെപിയുടെ അക്കൗണ്ടും എൽഡിഎഫ് പൂട്ടി. സിപിഎമ്മിന്റെയും ഘടകകക്ഷികളുടെയും മന്ത്രിമാർ വിജയിച്ചപ്പോൾ കല്ലുകടിയായത് മന്ത്രി മേഴ്സിക്കുട്ടിയമ്മയുടെ പരാജയമാണ്.
ഒപ്പം, ജോസ് കെ മാണി പാലായിൽ വീണതും, കൽപറ്റയിൽ ശ്രേയാംസ് കുമാർ തോറ്റതും തിരിച്ചടിയായി. ആലപ്പുഴ, അമ്പലപ്പുഴ, കോഴിക്കോട് നോർത്ത്, തൃശൂർ അടക്കം ടേം വ്യവസ്ഥയിൽ പ്രമുഖരെ മാറ്റിയ രണ്ട് ഡസൻ മണ്ഡലങ്ങളിൽ ഭൂരിഭാഗം സ്ഥാനാർഥികളും വിജയിച്ചത് സിപിഎം-സിപിഐ നേതൃത്വങ്ങൾക്ക് ആശ്വാസമായി.
Also Read: അസം തിരഞ്ഞെടുപ്പ്; ഒരു ലക്ഷത്തിലധികം വോട്ടിന്റെ ലീഡുമായി ഹിമാന്ത ബിശ്വ ശർമ്മ