കാസർഗോഡ്: ഡിസിസി പ്രസിഡണ്ട് പികെ ഫൈസൽ റിപ്പബ്ളിക് ദിനത്തോടനുബന്ധിച്ച് പങ്കുവെച്ച ഫേസ്ബുക്ക് പോസ്‌റ്റ് വിവാദമാകുന്നു. ബിആർ അംബേദ്ക്കർ, ഭഗത്‌സിങ്, സുഭാഷ്‌ചന്ദ്ര ബോസ് എന്നിവർക്കൊപ്പം വിഡി സവർക്കറുടെ ചിത്രം ഉൾപ്പെട്ട ഫോട്ടോ ഫേസ്ബുക്കിലൂടെ പങ്കുവെച്ചതാണ് വിവാദത്തിന് തിരികൊളുത്തിയത്. ഇന്നലെ രാവിലെയാണ് പോസ്‌റ്റ് പങ്കുവെച്ചത്.
എന്നാൽ, വിവാദമായതിന് പിന്നാലെ പോസ്‌റ്റ് നീക്കം ചെയ്യുകയായിരുന്നു. തുടർന്ന്, റിപ്പബ്ളിക് ദിന പോസ്‌റ്റിൽ സവർക്കറുടെ ചിത്രം വന്നതിൽ വിശദീകരണവുമായി കാസർഗോഡ് ഡിസിസി പ്രസിഡണ്ട് പികെ ഫൈസൽ തന്നെ രംഗത്തെത്തി. ഡിസൈൻ ചെയ്‌തപ്പോൾ സംഭവിച്ച പിഴവാണെന്ന് അദ്ദേഹം വ്യക്‌തമാക്കി.
”ഫേസ്ബുക്ക് കൈകാര്യം ചെയ്യുന്നത് ഓഫീസിലെ ജീവനക്കാരനാണ്. ഫോട്ടോ ഡിസൈൻ ചെയ്‌തപ്പോൾ വന്ന പിഴവാണ്. സവർക്കറുടെ ഫോട്ടോ ഉണ്ടെന്ന് അറിഞ്ഞ ഉടൻ പോസ്‌റ്റ് പിൻവലിച്ചുവെന്നും, വിവാദമാക്കേണ്ട വിഷയമില്ലെന്നും” പികെ ഫൈസൽ പ്രതികരിച്ചു.
Most Read: ലക്ഷദ്വീപ് ഉപതിരഞ്ഞെടുപ്പ് തടയണം; മുഹമ്മദ് ഫൈസലിന്റെ ഹരജി ഇന്ന് സുപ്രീം കോടതിയിൽ
