എറണാകുളം: നടിയെ ആക്രമിച്ച കേസിലെ അന്വേഷണ ഉദ്യോഗസ്‌ഥരെ അപായപ്പെടുത്താൻ ഗൂഢാലോചന നടത്തിയ കേസിൽ ദിലീപ് ഉൾപ്പടെയുള്ള പ്രതികളുടെ ശബ്‌ദ പരിശോധന ഇന്ന്. ചിത്രാജ്‌ഞലി സ്‌റ്റുഡിയോയിൽ വച്ചാണ് ശബ്‌ദ പരിശോധന നടത്തുന്നത്.
കേസുമായി ബന്ധപ്പെട്ട് സംവിധായകൻ ബാലചന്ദ്ര കുമാർ അന്വേഷണ ഉദ്യോഗസ്‌ഥർക്ക്‌ കൈമാറിയ ശബ്‌ദ സന്ദേശങ്ങൾ പ്രതികളുടേത് തന്നെയാണോ എന്ന ഉറപ്പിക്കുന്നതിന് വേണ്ടിയാണ് ശബ്‌ദ പരിശോധന നടത്തുന്നത്.
അതേസമയം ഗൂഢാലോചന കേസിൽ ദിലീപിന് ഇന്നലെ ഹൈക്കോടതി ജാമ്യം അനുവദിച്ചു. കർശന നിബന്ധനകളോടെയാണ് ജാമ്യം അനുവദിച്ചത്. നിബന്ധകൾ ലംഘിച്ചാൽ പ്രോസിക്യൂഷന് അറസ്‌റ്റിനായി കോടതിയെ സമീപിക്കാമെന്നും ഹൈക്കോടതി വ്യക്‌തമാക്കിയിട്ടുണ്ട്‌.
Read also: കാസർഗോഡ് പോലീസുകാർക്ക് നേരെ ഗുണ്ടാ ആക്രമണം; പ്രതിയെ പിടികൂടി
