മനാമ: ബഹ്റൈനിലെ വിവിധ പ്രദേശങ്ങളിൽ തെരുവുനായകളെ നിയന്ത്രിക്കുന്നതിനുള്ള നടപടി പുരോഗമിക്കുന്നതായി അധികൃതർ. ബ്ളാക് ഗോൾഡ് കമ്പനിക്കാണ് തെരുവുനായകളെ നിയന്ത്രിക്കുന്നതിനുള്ള ചുമതല.
മആമീർ, റാസ് സുവൈദ്, സമാഹീജ് എന്നീ പ്രദേശങ്ങളിലാണ് നടപടികൾ സ്വീകരിച്ചത്. ഇതിനായി സന്നദ്ധ പ്രവർത്തകരുടെ സഹായത്തോടെയും തെരുവുനായ നിയന്ത്രണ പരിപാടികൾ നടക്കുന്നുണ്ട്.
നുവൈദറാത്, സനദ്, സിത്ര എന്നിവിടങ്ങളിൽ നിന്നുള്ള പരാതി പ്രകാരം നടപടികൾ സ്വീകരിച്ചിരുന്നതായി അധികൃതർ വ്യക്‌തമാക്കി. കുട്ടികൾക്ക് കൂടുതൽ ഭീഷണി ഉയർത്തുന്ന തരത്തിൽ മആമീർ പ്രദേശത്ത് നായകളുടെ എണ്ണം ഗണ്യമായി വർധിച്ചിരുന്നു. വീടുകൾക്ക് സമീപം നിർത്തിയിട്ട വാഹനങ്ങൾ തെരുവുനായകൾ കേടുവരുത്തുന്ന സംഭവങ്ങളുമുണ്ടായി.
തെരുവുനായകളുമായി ബന്ധപ്പെട്ട പരാതികൾ 17155363, 80008001, 38099994 എന്നീ നമ്പരുകളിൽ വിളിച്ച് അറിയിക്കാമെന്നും അധികൃതർ അറിയിച്ചു.
Most Read: പർദ്ദ ധരിക്കാത്തതിനാലാണ് രാജ്യത്ത് ബലാൽസംഗങ്ങൾ വർധിക്കുന്നത്; കോൺഗ്രസ് എംഎൽഎ
