വടകര: അനധികൃതമായി പ്രവർത്തിക്കുന്ന കച്ചവട സ്ഥാപനങ്ങൾക്കും തെരുവ് കച്ചവടക്കാർക്കും എതിരെ കർശന നടപടിയുമായി അഴിയൂർ പഞ്ചായത്ത്. ചോമ്പാർ പോലീസിന്റെ സഹായത്തോടെ സെക്രട്ടറി ടി ഷാഹുൽ ഹമീദിന്റെ നേതൃത്വത്തിൽ പഞ്ചായത്തിൽ പരിശോധന നടന്നു. തുടർന്ന്, മോന്താൽ പാലത്തിന് സമീപത്തെ താൽകാലിക പച്ചക്കറി കട അടച്ചുപൂട്ടാൻ നോട്ടീസ് നൽകി.
Also Read: രാഹുലിന്റെ നേതൃപാടവത്തില് സംശയം പ്രകടിപ്പിച്ച് ശരത് പവാര്
കുഞ്ഞിപ്പള്ളിക്ക് സമീപം അനധികൃതമായി പ്രവർത്തിച്ച് വരുന്ന തുണിക്കട, ലോട്ടറി കട എന്നിവയും അടച്ച് പൂട്ടണമെന്ന് നിർദ്ദേശം നൽകി. കുഞ്ഞിപ്പള്ളിക്ക് സമീപത്തെ അത്തറ് കച്ചവടം, കശുവണ്ടി കമ്പനി, ഓവർ ബ്രിഡ്ജ് പരിസരങ്ങളിലും ചുങ്കം, മുക്കാളി എന്നിവടങ്ങളിലുമുള്ള വഴിയോര കച്ചവടക്കാർക്കെതിരെയും നടപടിയെടുത്തു. വരും ദിവസങ്ങളിൽ അനുമതിയില്ലാതെ കച്ചവടം ചെയ്യുന്നവർക്കെതിരെ കർശന നടപടി സ്വീകരിക്കാനാണ് തീരുമാനം.