ഫത്തോർദ: ഐഎസ്എല്ലിൽ ഇന്ന് കളിയഴകിന്റെ പര്യായമായ എഫ്‌സി ഗോവ കരുത്തരായ നോർത്ത് ഈസ്‌റ്റ് യുണൈറ്റഡിനെ നേരിടും. ടൂർണമെന്റിലെ ആദ്യ ജയം തേടിയാണ് കഴിഞ്ഞ സീസണിലെ ഐഎസ്എൽ ലീഗ് വിന്നേഴ്‌സ് ഷീൽഡ് നേടിയ എഫ്‌സി ഗോവ ഇന്നിറങ്ങുന്നത്.
നോർത്ത് ഈസ്‌റ്റ് യുണൈറ്റഡ് മികച്ച ഫോമിലാണ് എന്നത് ഗോവക്ക് വെല്ലുവിളിയാണ്. കഴിഞ്ഞ മൽസരത്തിൽ ജയത്തിന് തുല്യമായ സമനിലയാണ് ബ്ളാസ്‌റ്റേഴ്‌സിന് എതിരെ നോർത്ത് ഈസ്‌റ്റ് നേടിയത്. ബെംഗളൂരുവിനോട് സമനിലയോടെ തുടങ്ങിയ ഗോവ രണ്ടാം കളിയില്‍ മുംബൈ സിറ്റിയോട് ഒറ്റഗോളിന് തോറ്റു.
ഇഗോര്‍ അംഗുളോ, ജോര്‍ഗെ ഓര്‍ട്ടിസ് എന്നിവർ അടങ്ങിയ മുന്നേറ്റനിരയിൽ ഗോവ പ്രതീക്ഷ വെക്കുന്നു. എഡു ബെഡിയ, ലെന്നി റോഡ്രിഗസ്, ബ്രാണ്ടന്‍ ഫെര്‍ണാണ്ടസ്, പ്രിന്‍സെറ്റണ്‍ റെബല്ലോ എന്നിവരടങ്ങിയ മധ്യനിരയും ശക്‌തമാണ്.
കഴിഞ്ഞ കളിയിൽ ബ്ളാസ്‌റ്റേഴ്‌സിന് എതിരെ രണ്ട് ഗോളിന് പിന്നിട്ടുനിന്ന ശേഷമാണ് നോര്‍ത്ത് ഈസ്‌റ്റ് സമനില സ്വന്തമാക്കിയത്. മധ്യനിര ഭരിക്കുന്ന ഖാസ്സ കമാറയാണ് ടീമിന്റെ എഞ്ചിന്‍. ലൂയസ് മച്ചാഡോ, ക്വസി അപ്പിയ എന്നിവരുടെ പ്രകടനവും നിര്‍ണായകമാവും.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
