ബാഗ്‌ദാദ്: ഇറാഖ് തലസ്‌ഥാനമായ ബാഗ്‌ദാദിൽ ഉണ്ടായ ഭീകരാക്രമണത്തിൽ 11 പേർ കൊല്ലപ്പെട്ടു. എട്ടു പേർക്ക് പരിക്കേറ്റു. ബാഗ്‌ദാദ് വിമാനത്താവളത്തിന് സമീപമാണ് ആക്രമണം ഉണ്ടായത്.
ട്രൈബൽ ഹാഷിദ് ഫോഴ്‌സ് സ്‌റ്റേഷനു നേരെ ആക്രമികൾ ഗ്രനേഡ് എറിയുകയായിരുന്നു. അഞ്ച്‌ ഉദ്യോഗസ്‌ഥരും ആറ് പ്രദേശവാസികളുമാണ് കൊല്ലപ്പെട്ടത്. പരിക്കേറ്റവരെ സെൻട്രൽ ബാഗ്‌ദാദിലെ ആശുപത്രിയിലേക്ക് മാറ്റി.
നാല് വാഹനങ്ങളിലായാണ് തീവ്രവാദികൾ സംഭവ സ്‌ഥലത്ത് എത്തിയത്. ഇവർ വെടിയുതിർക്കുകയും ചെയ്‌തതായി എ എഫ് പി റിപ്പോർട്ട് ചെയ്യുന്നു. ഐഎസുമായി ബന്ധമുള്ള ഭീകര ഗ്രൂപ്പ് ആക്രമണത്തിന്റെ ഉത്തരവാദിത്തം ഏറ്റെടുത്തതായി എ എഫ് പി റിപ്പോർട്ടിൽ പറയുന്നു.
National News: ഫേസ്ബുക്ക് കേസ്; ഡെല്‍ഹി നിയമസഭാ പാനല്‍ മുന്‍ ഫേസ്ബുക്ക് ജീവനക്കാരനെ വിസ്‌തരിക്കും
