ചണ്ഡീഗഢ്: കോവിഡ് വ്യാപനം മൂലം ഏർപ്പെടുത്തിയ ലോക്ക്ഡൗൺ ജൂൺ 30 വരെ നീട്ടി പഞ്ചാബ് സർക്കാർ. സംസ്ഥാനത്തെ സ്ഥിതിഗതികൾ വിലയിരുത്തിയ സർക്കാർ ലോക്ക്ഡൗൺ നീട്ടാൻ തീരുമാനം എടുക്കുകയായിരുന്നു. ഇന്നലെ നടന്ന അവലോകന യോഗത്തിന് ശേഷമാണ് തീരുമാനം.
എന്നാൽ കൂടുതൽ ഇളവുകൾ ഏർപ്പെടുത്താനും സർക്കാർ തീരുമാനിച്ചിട്ടുണ്ട്. സംസ്ഥാനത്തെ ഐഇഎൽടിഎസ് (ഇന്റർനാഷണൽ ഇംഗ്ളീഷ് ലാംഗ്വേജ് ടെസ്റ്റിങ് സിസ്റ്റം) പരിശീലന കേന്ദ്രങ്ങൾക്ക് നിയന്ത്രണങ്ങളോടെ പ്രവർത്തിക്കാനുള്ള അനുമതി നൽകിയിട്ടുണ്ട്. ഐഇഎൽടിഎസ് കേന്ദ്രങ്ങളിൽ കൃത്യമായ കോവിഡ് നിയന്ത്രണങ്ങൾ പാലിക്കേണ്ടതുണ്ട്.
ഇവിടെ എത്തുന്ന അധ്യാപകരും, വിദ്യാർഥികളും ഒരുഡോസ് വാക്സിൻ എങ്കിലും എടുത്തവർ ആയിരിക്കണം. വാരാന്ത്യ കർഫ്യൂ ഞായറാഴ്ചകളിൽ തുടരും. രാത്രിയാത്ര നിരോധനവും തുടരും. ഐഇഎൽടിഎസ് പരിശീലന കേന്ദ്രങ്ങൾ ഒഴികെയുള്ള എല്ലാ വിദ്യാഭ്യാസ സ്ഥാപനങ്ങളും അടഞ്ഞു കിടക്കും.
Read Also: ഡെൽറ്റ പ്ളസ്; എട്ട് സംസ്ഥാനങ്ങൾക്ക് കൂടി കത്തയച്ച് കേന്ദ്രം; ജാഗ്രതാ നിർദ്ദേശം