ന്യൂഡെൽഹി: മധ്യവേനൽ അവധിക്ക് ശേഷം സുപ്രീം കോടതി ഇന്ന് തുറക്കും. വേനലവധിക്ക് ശേഷം തുറക്കുന്ന ആദ്യദിവസം തന്നെ രണ്ട് പ്രധാന കേസുകളിലാണ് സുപ്രീം കോടതി വിധി പറയുക. കോടതിയലക്ഷ്യ കേസിൽ വിവാദ വ്യവസായി വിജയ് മല്യയുടെ ശിക്ഷ ജസ്റ്റിസ് യുയു ലളിത് അധ്യക്ഷനായ ബെഞ്ച് പ്രഖ്യാപിക്കും.
പോർച്ചുഗലിന് ഇന്ത്യ നൽകിയ നയതന്ത്ര ഉറപ്പ് പ്രകാരം, തന്റെ ശിക്ഷ 25 വർഷത്തിൽ കൂടുതലാകാൻ കഴിയില്ലെന്ന ബോബൈ സ്ഫോടന പാരമ്പരക്കേസിലെ കുറ്റവാളി അബു സലീമിന്റെ ഹരജിയിലും സുപ്രീം കോടതി ഇന്ന് വിധി പറയും. സ്ഥിരജാമ്യം തേടി ഭീമ കൊറേഗാവ് കേസ് പ്രതിയും, തെലുങ്ക് കവിയുമായ വരവറാവു സമർപ്പിച്ച ഹരജിയും ഇന്ന് കോടതിക്ക് മുന്നിലെത്തും.
Most Read: വിദേശകാര്യമന്ത്രി എസ് ജയശങ്കര് ഇന്ന് ചെമ്പഴന്തി സന്ദർശിക്കും