തിരുവനന്തപുരം: മന്ത്രി കെടി ജലീലിന്റെ പിഎച്ച്ഡി ചട്ടപ്രകാരമെന്ന് കേരള സര്വകലാശാല വൈസ് ചാന്സലര് അറിയിച്ചു. എല്ലാ പരിശോധനയും പൂര്ത്തിയാക്കിയാണ് പിഎച്ച്ഡി നല്കിയതെന്ന് വൈസ് ചാന്സലര് പറഞ്ഞു.
സേവ് യൂണിവേഴ്സിറ്റി ഫോറമാണ് പ്രബന്ധം മൗലികമല്ലെന്ന് കാണിച്ച് ഗവര്ണറെ സമീപിച്ചത്. എന്നാല് പിഎച്ച്ഡിയില് പിഴവുകളുണ്ടെന്ന പരാതി തളളിയ വൈസ് ചാന്സലര് ഗവര്ണര്ക്ക് റിപ്പോര്ട്ട് കൈമാറി.
മലബാര് ലഹളയില് വാരിയംകുന്നത്ത് കുഞ്ഞഹമ്മദ് ഹാജിയുടേയും ആലി മുസ്ലിയാരുടേയും പങ്കുമായി ബന്ധപ്പെട്ടതാണ് കെടി ജലീലിന്റെ പ്രബന്ധം. എന്നാല് പ്രബന്ധത്തിലെ പല ഭാഗങ്ങളും പകര്ത്തിയെഴുത്താണ് എന്നായിരുന്നു ഉയര്ന്നു വന്ന പ്രധാന പരാതി.
മാത്രവുമല്ല പ്രബന്ധത്തില് അക്ഷര തെറ്റുകളും വ്യാകരണ പിശകുകളുമുണ്ടെന്നും പ്രബന്ധം പുനപരിശോധനക്ക് വിധേയമാക്കണമെന്നും പരാതിക്കാര് ആവശ്യപ്പെട്ടിരുന്നു. 2006ലാണ് ജലീലിന് ഡോക്ടറേറ്റ് ലഭിച്ചത്.
Read Also: പ്ളസ് വണ് വേക്കന്സി സീറ്റുകളിലെ പ്രവേശനത്തിന് 27 വരെ അപേക്ഷ നല്കാം