വെറും നാല് ഇലയുള്ള ചെടി, വിറ്റത് 4 ലക്ഷത്തിന്

By Desk Reporter, Malabar News
Philodendron Minima_2020 Sep 04

വെല്ലിം​ഗ്ടൺ: നാലു ലക്ഷം രൂപയുണ്ടെങ്കിൽ നിങ്ങൾ എന്തെല്ലാം ചെയ്യും? പല ആവശ്യങ്ങളും നിറവേറ്റും, അല്ലേ? എന്നാൽ ആരെങ്കിലും നാലു ലക്ഷം രൂപ കൊടുത്ത് ഒരു ചെടി വാങ്ങുമോ? വാങ്ങുന്നവരും ഉണ്ട് എന്നാണ് ന്യൂസിലാൻഡിൽ നിന്നുള്ള ഒരു വാർത്ത തെളിയിക്കുന്നത്. വെറും നാല് ഇലകളുള്ള ഒരു സസ്യം വിറ്റുപോയത് 8,150 ന്യൂസിലാൻഡ് ഡോളറിനാണ്, ഇന്ത്യൻ രൂപയിൽ നാലു ലക്ഷത്തിനു മുകളിൽ വരും ഈ തുക. ഫിലോഡെൻഡ്രോൺ മിനിമ എന്നും അറിയപ്പെടുന്ന അപൂർവ്വവും വർണ്ണാഭവുമായ റാഫിഡോഫോറ ടെട്രാസ് പെർമ എന്ന സസ്യമാണ് ഇത്രയധികം തുകക്ക് വിറ്റുപോയത്. ഇതിന്റെ പകുതി ഭാ​ഗം മഞ്ഞയും ബാക്കി പകുതി പച്ചയും നിറത്തിൽ ഉള്ളതാണ്.

ന്യൂസിലാൻഡിലെ ഏറ്റവും വലിയ വ്യാപാര സൈറ്റായ ‘ട്രെയ്ഡ് മി’യിൽ സസ്യം ലേലത്തിൽ വക്കുകയായിരുന്നു. “ഈ ചെടിയിൽ നിലവിൽ 4 ഇലകളുണ്ട്, ഓരോ ഇലയിലും അതിശയകരമായ മഞ്ഞ നിറങ്ങളുണ്ട്!” ചെടിയുടെ ചിത്രങ്ങൾ പങ്കുവച്ചുകൊണ്ട് വിൽപ്പനക്കാരൻ ‘ട്രേഡ് മി’യിൽ കുറിച്ചു. ന്യൂസിലാൻഡിൽ ‘ഉഷ്ണമേഖല പറുദീസ’ നിർമ്മിക്കുന്ന മൂന്നം​ഗ സംഘത്തിലെ ഒരാളാണ് റാഫിഡോഫോറ ടെട്രാസ് പെർമ സ്വന്തമാക്കിയത്.

LEAVE A REPLY

Please enter your comment!
Please enter your name here

പ്രതികരണം രേഖപ്പെടുത്തുക

അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.

YOU MAY LIKE