തൃശൂര്: നാട്ടിക കടലില് വഞ്ചി മറിഞ്ഞ് നാലുപേരെ കാണാതായി. തളിക്കുളം തമ്പാന് കടവ് സ്വദേശികളായ സുബ്രഹ്മണ്യൻ (60), ഇക്ബാല് (50), വിജയന് (55), കുട്ടന് (60) എന്നിവരെയാണ് കാണാതായത്. ഇന്ന് പുലര്ച്ചെ നാല് മണിയോടെയാണ് ‘പറശ്ശിനിക്കടവ് മുത്തപ്പന്’ എന്ന ഫൈബര് വള്ളത്തില് നാല് പേര് മൽസ്യ ബന്ധനത്തിനിറങ്ങിയത്. രാവിലെ 8.30 ഓടെയാണ് വള്ളം മുങ്ങിയതായി വിവരം ലഭിക്കുന്നത്. വള്ളത്തിലുള്ളവര് തന്നെയാണ് കരയിലേക്ക് വിവരമറിയിച്ചത്. എന്നാല് പിന്നീട് ഇവരെ ബന്ധപ്പെടാന് കഴിഞ്ഞിട്ടില്ല. കരയില് നിന്നും 11 നോട്ടിക്കല് മൈല് അകലെ വെച്ചാണ് വള്ളം മുങ്ങിയിട്ടുള്ളത്. ഇവര്ക്കായി കോസ്റ്റല് പൊലീസ് തിരച്ചില് ആരംഭിച്ചു.
Malabar News: ഫ്ളാറ്റിന് മുകളില് നിന്ന് വീണ് പതിനഞ്ചുകാരന് മരിച്ചു